Al-Kateb contra Godwin

Al-Kateb contra Godwin esset un important australian processu decidet in li Alti Corte de Australia ye 6 de auguste 2004. Li processu esset pri Ahmed Al-Kateb, un hom sin state quel esset retenet secun li politica de obligatori retention de inmigrantes. Su aplication por visa protectional hat esset negat, e pro que il esset sin state nul altri lande volet acceptar lo. Li question in li processu esset ca índefinit retention de inmigrantes esset legal, e li corte finalim decidet que it esset tal.

Li corte considerad du chef questiones: unesim, ca li Actu Migrational 1958 (li legislation quel guverna inmigration in Australia) permisset que on retene índefinitmen persone in li situation de Al-Kateb, e duesim, si yes, ca to esset permisset secun li Constitution de Australia. Li majoritá del corte decidet que li Actu ya permisset índefinit retention, e que li Actu ne esset ínconstitutional.