Aleksandar Vulin

De Wikipedia
Aleksandar Vulin

Aleksandar Vulin (in serb cirilic scrit: Александар Вулин) es un politico de Serbia. Il nascet li 2-im de octobre 1972 in Novi Sad e il es desde li 27-im de april 2014 li ministre de labore, employament, veteranes e social politica. Aleksandar Vulin es anc li fundator e li presidente del political levul partise Movement de Socialistes.

Personal e professional vive[modificar | redacter fonte]

Li familie de Aleksandar Vulin originat de Bosnia e Herzegovina, ma il adultijat in Novi Sad (Serbia) u il finit li scole. Il studiat jurisprudentie in Kragujevac. Il anc laborat quam jurnalist. Il esset redactor del jurnal Pečat e scrit articules por divers jurnales. Il laborat in divers editiones in li sector de marketing.

Il esset consiliero municipal in li municipie Rakovica, in Beograd e anc membre del serb parlament.

Political cariera[modificar | redacter fonte]

  • 1990-1994 Aleksandar Vulin esset un membre e functionario del Union de Comunistes - Movement por Yugoslavia. Il esset general-secretario de ti partise-
  • 1994-1998 Vulin esset activ in li partise Yugoslav Levul u il esset portparol e vice-presidente del partise.
  • 1998 Il fundat li Partise del Democratic Levul quel devenit in lin annu 2002 un parte Socialist Partise de Serbia.
  • 2007 Alexandar Vulin forlassat li Socialist Partise de Serbia.
  • 2008 Aleksandar Vulin fundat Movement de Socialistes e devenit su presidente.
  • 2012-2013 Aleksandar Vulin esset director del Serb Oficie por Kosovo e Metohija
  • 2013-2014 Inter li 2-im de septembre 2013 e li 27-im de april Aleksandar Vulin esset ministre sin portafolie in li guvernament de Aleksandar Vučić.
  • 2014 In li nov guvernament de Aleksandar Vučić il devenit li 27-april 2014 ministre de labore, employament, veteranes e social politica.

Ligamentes extern[modificar | redacter fonte]