Bernd Lucke

De Wikipedia
Saltar a: navigation, serchar
Bernd Lucke in li annu 2013

Bernd Lucke es un politico e economist de Germania. Il es un del fundatores e un del tri parlatores del partise Alternative por Germania, quel es criticaci contra li comun europan valuta Euro.

Bernd Lucke nascet li 19 august 1962 in Berlin. Inter 1982 e 1984 il studiat economie, filosofie e nov historie in li universitá de Bonn. Il continuat su studies in li annus 1984 e 1985 per un stipendie in li Universitá de California in Berkeley in li federal state California in li Unit States de America. Pos que in comensat laborar in diversi universitás in Germania. Hodie il es professor de macro-economie in li universitá de Hamburg.

Lucke esset inter 1978 e 2011 un membre del crist-democratic Cristan Democratic Union de Germania (CDU), ma ne havet alquel functiones in li partise. Lucke esset criticaci contra li politico de CDU por li salvation del comun europan valuta Euro e pro to il forlassat in li decembre 2011 li Cristan Democratic Union.

In li april 2013 il fundat con altri persones li partise Alternative por Germania, quel es criticaci contra li Euro e partiprendet in li electiones federal de Germania in li septembre 2013. It recive 4,7 percent e dessuccesset intrar in li federal parlament.

Por li electiones al Europan Parlament in li may 2014 Bernd Lucke esset sur li prim position del liste del Alternative por Germania e esset electet in li Europan Parlament.

Bernd Lucke es maritat e have quin infantes.