Blanc Cavalle de Cherhill

De Wikipedia
Saltar a: navigation, serchar
Li cavalle in 1892,
per li Rev. W. C. Plenderleath
Li cavalle videt de Cherhill

Li Blanc Cavalle de Cherhill (anglesi: Cherhill White Horse) es un coline-figura sur Cherhill Down, in li comtia de Wiltshire, Angleterre*. Datante del tard 18im secul, it es li duesim old de pluri simil blanc cavalles queles posse esser videt circum Wiltshire, e sol li Blanc Cavalle de Westbury es plu old.[1] Li figure es anc quelcvez nominat li Blanc Cavalle de Oldbury.

Li pronunsation de 'Cherhill' es quam 'Cherrill'.

Situation[modificar | redacter fonte]

Li Blanc Cavalle de Cherhill fronta al nord-ost, e jaca sur un declivi scarp de Cherhill down, un poc sub li diga conosset quam Oldbury Castelle, e posse esser videt del Via A4 e li proxim village de Cherhill. Un bon punctu de vista es un halta along li strade eante west, quande it passa sub li cavalle. De proxim a ci, un ped-via ascende li coline al cavalle.[2]

Proxim al cavalle es un obelisco nominat li Lansdowne Monument, visibil in alcun fotos del Blanc Cavalle. Ti es un structura de petre de 38 metres, erectet in 1845 per li Triesim Marqueso de Lansdowne por comemorar su antecessor, Sir William Petty.[3]

Inspiration[modificar | redacter fonte]

Li cavalle de Cherhill posse ha esset inspirat per li unesim Wiltshire-cavalle, to in Westbury, quel apen hat esset re-modellat. Li orígines del Westbury-cavalle es plu obscur. Ne simil al Blanc Cavalle de Uffington in Berkshire, quel se monstra un etá del Bronzin Era, li plu tost testimonie del cavalle de Westbury es un papere publicat del Rev. Francis Wise in 1742.[4] Un audaci teorie por li orígine del unesim cavalle de Wiltshire es que it comemora li victorie de Alfred li Grand sur li Danes in li Batallie de Ethandun, in 878. Un altri es que it esset tranchat in li tost 18im secul quam un spectacul de loyalitá al nov reyal dom, li Dom de Hanover, proque li blanc cavalle es un heraldic simbol del Electoratu de Hanover. Un scritor sur li subjecte ha comentat que "...li cavalle del coline-látere posse esser un glissid ente, e li origines de alcun es ínpossibil a establisser con alquel certitá."[5]

Referenties[modificar | redacter fonte]

  1. The Cherhill or Oldbury white horse at wiltshirewhitehorses.org.uk, accessed 18 July 2008
  2. Cherhill White Horse at hows.org.uk, accessed 18 July 2008
  3. The Lansdowne Monument near to Cherhill, Wiltshire, Great Britain at geograph.org.uk, accessed 18 July 2008
  4. Wise, Francis, Further Observations on the White Horse and other Antiquities in Berkshire (1742)
  5. Home page: An introduction to the white horses at wiltshirewhitehorses.org.uk, accessed 18 July 2008


Ti articul es un traduction del Wikipedia in anglesi. Vide li original fonte ci.