Emil Vlajki

De Wikipedia

Emil Vlajki es un politico de Bosnia e Herzegovina. Il nascet in li annu 1942 in Ruse (Bulgaria) e esset li croat vice-presidente del entitet Republika Srpska inter 2010 e 2014. Il es anc presidente del micri Partise del economic e social justicie.

Personal e professional vive[modificar | redacter fonte]

Emil Vlajki nascet in li annu 1942 in Ruse (Bulgaria) u su matre esset arestat in un camp. Ili retornat in li annu 1945 a Split a Yugoslavia (hodie: Croatia). Emil Vlajki studiat political scientie in Zagreb. Il fat su doctoratu in li political scientie in Paris al universitá [Sorbonne]] in li annu 1970. Il comensat por li television in Francia, ma translocat a Sarajevo in li annu 1972. Il esset professor por juralistica al universitá de Sarajevo.

Durant li Guerre intern de Bosnia e Herzegovina Vlajki esset presidente del Rubi Cruce in Sarajevo, ma forlassat li cité in annu 1992 e translocat a Beograd. Inter 1993 e 2003 il laborat quam professor in li universitá de Quebec in Canada. Inter li annu 2003 e 2005 il laborat al universitá de Toulouse in Francia. In li annu 2005 il translocat a Banja Luka. Ta il labora quam professor in li nov fundat privat Facultá de political scientie.

Li 13-im de januar 2015 Emil Vlajki maritat Andrijana Orlando (nascet in li annu 1980 quam Dervenćenka) qui es 38 plu yun quam Vlajki.

Political cariera[modificar | redacter fonte]

Politica[modificar | redacter fonte]

Benque Vlajki esset electet quam croat vice-presidente de Republika Srpska inter li annus 2010 e 2014 il suportat serb nationalistic positiones e suportat li separatist e serb-national politica de Milorad Dodik e su Alliantie del índependent socialdemocrates/SNSD. In nominat in li septembre 2013 Bosnia e Herzegovina un mostru-state. (Vide [1]). Vlajki anc assistet in demonstrationes contra li areste de General Ratko Mladić in li annu 2011 qui es in acusat in li tribunal pro grav crimines durant li Guerre intern de Bosnia e Herzegovina (Vide [2].

Publicationes[modificar | redacter fonte]

Vlajki ha publicat mult scientific libres.

Ovres (selection)

  • Novinska, radio i TV produkcija (Sarajevo, 1976.)
  • Informativno djelovanje (Beograd, 1981.)
  • Igre društvenog komuniciranja (Beograd, 1984.)
  • Patologija uma (Sarajevo, 1988., traductet in anglesi, Ottawa, 1998.)
  • Antihumanizam (Beograd, 1993.)
  • Bijednici moderniteta (in francesi,Montréal, 1998.)
  • Novo totalitarno drustvo i uništenje Jugoslavije (anglesi, Ottawa, novembar 1999.)
  • Demonizacija Srba (anglesi, Ottawa 2001.)
  • Američki teror (francesi., Paris, 2003, traductet anc in serb-croat lingue, Banja Luka, 2006.)
  • Drustvo ovaca-vukova – Američki protestantizam i njegov mentalitet (francesi., Paris, 2005.)
  • Uvod u politiku postmodernizma (Banja Luka, 2006.)
  • Uvod u komuniciranje postmodernizma (Banja Luka, 2007.)
  • Racionalni antihumanizam (Banjaluka 2008.)
  • Socijalna patologija postmodernizma (Zagreb, 2009.)
  • Međunarodni odnosi postmodernizma (Banjaluka, 2010.)

Ligamentes extern[modificar | redacter fonte]