Emir Suljagić
Emir Suljagić es un jurnalist, autor e politico de Bosnia e Herzegovina. Il nascat li 21-im de may 1975 in Ljubovija (hodie: Serbia) e esset li candidate del Democratic Fronte por li Statal Presidentie de Bosnia e Herzegovina in li electiones 2014.
Personal e professional vive[modificar | redacter fonte]
Il habitat quam infante in Bratunac e li familie fugit durant li Guerre Intern de Bosnia e Herzegovina a Srebrenica. Ta Emir Suljagić pervivet li massacre del armé del Republika Srpska. Il laborat quam traductor por li Organisation del Unit Nationes.
Pos li fine del guerre intern in 1995 Suljagić devenit jurnalist. Inter 1996 e 2002 il scrit por li revúe Dani.
Il studiat political scienties in Sarajevo e finit su doctoratu in li annu 2009.
Political cariera[modificar | redacter fonte]
Emir Suljagić esset un membre del Socialdemocrat Partise de Bosnia e Herzegovina. Il es activ in li bosniak national ne-guvernamental organisation Prvi Mart
- 2010-2012 Ministre por cultura e education in li Canton Sarajevo.
- 2013-2015 Membre del partise Democratic Fronte.
- 2014 Candidate del Democratic Fronte por li Statal Presidentie de Bosnia e Herzegovina e finit ye li triesim rang con 15,20 percentes e 114.334 votes.
- 2015 Emir Suljagić es excludet ex li Democratic Fronte.
- 2016 Suljagić devenit membre del partise Alliantie de Cives e es electet quam presidente del political consilie de ti partise.
Bibliografie[modificar | redacter fonte]
- 2005. - Razglednice iz groba (Postcartes ex li tombe).
- 2008. - Pogled na profil i ideologiju Zlatka Lagumdžije (Vise al profil e idelogie de Zlatko Lagumdžija).