Eric A Havelock

Eric Alfred Havelock (Junio 3, 1903 – April 4, 1988) esset un britanesi classicist. Il residet precipuemen in Canada e li Unit States. Il esset un professor che li University de Toronto e esset activ in li academic canadesi socialist movement durante li 1930s. In li annus 1960s e 1970s, il servit quam chef del departementes del classic ovres che e Harvard e Yale. Benque il esset educat in li etablisset tradition de classic studies, quel videt grec intelectual historie quam un ínruptet serie de relatet idés, Havelock separatet se fortmen de su propri instructores e proposit un totmen nov modelle por comprender li classic munde, basat sur un clar division ínter litteratura del 6esim e 5esim secules AC ye un látere, e li 4esim ye li altri.

Multe del ovre de Havelock devoet se a un sol tese: que omni occidental pensada es informat per un profund change in li sortes de idés disponibil al homan mente quande grec filosofie convertet de un oral a un literat forme. Li idé ha esset disputat in classic studies, e ha frequentmen esset rejectet totmen; támen, éxter su propri camp, Havelock ha esset extraordinarimen influential. Il e Walter J. Ong (quel self esset fortmen influentiat per Havelock) essentialmen fundat li camp quel studia transitiones de oralitá a litteratitá, e Havelock ha esset un del max frequentmen citat teoristes in ti camp. Su influentie ha extendet se ultra li studie del classic munde a to de analog transitiones in altri témpores e locs.