Hans-Olaf Henkel

Hans-Olaf Henkel

Hans-Olaf Henkel es un german industrialist, publicist e politico. Il nascet li 14-im de marte 1940 in Hamburg (Germania). Desde li 1-im de julí 2014 il es un membre del Europan Parlament por li partise Alternative por Germania. Li 5-im de julí 2015 Henkel forlassat li Alternative por Germania pos li victorie del dextri fraction sur li partise-congress in Essen.

Professional vive

Pos li scola il fat un aprentisage de transport-comerciante. Desde 1962 il laborat por li firma IBMin li gerentie. In li annu 1987 il devenit presidente del directoratu del firma IBM in Germania. Inter septembre 1993 e decembre 1994 Henkel esset presidente del IBM Europa, Africa e Medial Ost.

Inter 1995 e 2000 Henkel esset presidente del Federal Asociation del German Industrie. Inter 2000 e 2005 il esset presidente del Asociation de Leibnitz e inter 2005 e 2013 il esset consiliero del Bank of America.

Personal vive

Hans-Olaf Henkel es maritat desde 2005 con Bettina Hannover. Il have du filias e du filios. Hans-Olaf Henkel anc publicat quelc libres pri economic e political temas.

Henkel quam politico

Henkel suportat desde su fundation li partise Alternative por Germania quel es cricaci contra li Europan Union. In li fine del annu 2013 Henkel devenit un membre del Alternative por Germania. In li annu 2014 Henkel candidata ye li position del Alternative por Germania por li Europan Parlament. In li marte 2014 il esset electet quam vice-parlator del partise. Desde li 1-im de julí 2014 il es un membre del Europan Parlament por li partise Alternative por Germania.

In proteste contra li dextri-populist fraction del Alternative por Germania il declarat su demission quam vice-presidente del partise li 23-im de aprl 2015. Quam consequentie del victorie del dextri-populist fraction sur li partise-congress Henkel forlassat li Alternative por Germania li 5-im de julí 2015.

Ovres (selection)

• Jetzt oder nie. Ein Bündnis für Nachhaltigkeit in der Politik . Siedler, Berlin 2001, ISBN 3-88680-665-0.
• Die Macht der Freiheit. Erinnerungen. Econ, München 2000, ISBN 3-430-15515-0 / Ullstein, München 2002, ISBN 3-548-75077-X / Ullstein, München 2004, ISBN 3-548-84007-8.
• Die Ethik des Erfolgs. Econ, München 2002, ISBN 3-430-14286-5 / Ullstein, München 2004, ISBN 3-430-15515-0.
• Die Kraft des Neubeginns. Deutschland ist machbar. Droemer, München 2004, ISBN 3-426-27349-7 / Knaur, München 2005, ISBN 978-3-426-77836-4.
• Kampf um die Mitte. Mein Bekenntnis zum Bürgertum. Droemer, München 2007, ISBN 978-3-426-27423-1.
• Die Abwracker. Wie Zocker und Politiker unsere Zukunft verspielen. Heyne, München 2009, ISBN 978-3-453-16829-9.
• Rettet unser Geld! Deutschland wird ausverkauft – Wie der Euro-Betrug unseren Wohlstand gefährdet. Heyne, München 2010, ISBN 978-3-453-18284-4.
• Die Euro-Lügner. Unsinnige Rettungspakete, vertuschte Risiken – so werden wir getäuscht. Heyne, München 2013, ISBN 978-3-453-20058-6.