Hockey sur terre

De Wikipedia
Saltar a: navigation, serchar
Un match de hockey sur terre

Hockey sur terre o anc nóminat hockey sur gazon es un sport por truppes. It es ludet sur gazon, hodie inter omnicos sur un artificial gazon ex artificial materiales.

Li nómine hockey es derivat ex li frances parol hoquet por un baston de pasteros.

Desde 1908 es Hockey sure terre un olimpic sport por mannes e desde 1980 anc por féminas. Li international association de hockey sur terre es li Federation International de Hockey.

Regules[modificar | redacter fonte]

In un match de hockey du truppes ludet contra unaltru. Un truppe consiste ex 11 lusores, un gol-gardero e deci camp-lusores. Ma chascun truppe have anc quin lusores de substitution. On posse changear li lusores quant sovente on vole. Li scope del lude es tirar un balle in li gol del altri truppe. Li camp de hockey es 91 metre long e 55 metre larg per un baston. Un match de hockey dura duvez 35 minutes con un pause de quin minutes.

Hockey sur terre es un lude sin corporal ataccas. Goles es solmen valid si li balle es tirat ex li tira-circul. Li gol have un altore de 2,14 metre.It es solmen permisset usar li plan látere del hockey-baston por tirar. It ne es permisset li balle altmen tirar si it deveni dangerosi un altri lusor. It ne es permisset tuchar li balle intentionalmen per li córpore, solmen por li gol-garderos.

Difusion e historie[modificar | redacter fonte]

Hockey sur terre quam modern sport esset creat in Anglia. In li annu 1852 esset publicat li unesim oficial regules. In li annu 1849 esset fundat in Blackheath in li sud-ost de London in Anglia li unesim hockey-club del munde.

Hockey sur terre divulgat se de Anglia in li colonies del Britan Imperie e in central-Europa. Li max successosi hockey-nationes es Pakistan, India, Australia, Anglia, Nederland e Germania.

Hodie li Federation International de Hockey have 128 membres in quin continentes.

International hockey-evenimentes[modificar | redacter fonte]

Li max grand international hockey sur terre competitiones es li Olimpic Ludes e li Championatu mundal del hockey sur terre e li traditional torney Hockey-championes trofé por national truppes.


Altri hockey-sportes[modificar | redacter fonte]

Adplu hockey sur terre es mult altri variationes de hockey quam li sport hivernal hockey sur glacie, hall-hockey, lacrosse, unihockey e inline-hockey.