Kathrin Oertel

Kathrin Oertel (nascet quam Kathrin Spevacek) es un activista de Germania in li anti-islamic cives-movement PEGIDA. Ella nascet li 23-im de januar 1978 in Coswig (Germania) e ella esset in li decembre 2014 li parlatora por li medies e tresorera de PEGIDA. Li 27-im de januar 2015 ella abandonat PEGIDA e fundat con altri activistes li movement Direct Democratie por Europa.

Kathrin Oertel es divorciat e have tri infantes e habita in Coswig. Oertel nequande esset membre de un political partise.

Ella finit li scola in Coswig e fat un aprentisage quam comercianta. Oertel labora quam consiliera de economie e specialista por ínmobilies desde li annu 2008.

Kathrin Oertel e PEGIDA[modificar | redacter fonte]

Kathrin Oertel es li sol fémina in li team de organisation por li cives-movement PEGIDA. Desde li 19-im de decembre 2014 ella es li tresorera del registrat organisation PEGIDA. Oertel conosse Lutz Bachmann li initiator de PEGIDA ja desde li infantie.

Desde li decembre 2014 Oertel devenit li oratora cardinal in li demonstrationes de PEGIDA in Dresden. Oertel devenit plu e plu li visage de PEGIDA in li medies. Li 27-im de januar 2015 ella demissonat ex li team de organisation pro interni quereles e forlasat PEGIDA.

Oertel clarmen condamnat li rassistic contributiones de Lutz Bachmann sur su Facebook-págine.

Kathrin Oertel e Direct Democratie por Europa[modificar | redacter fonte]

In li fine de januar 2015 Kathrin Oertel anunciat li fundation de un nov movement. Ella presentat li 2-im de februar 2015 in Dresden li nov organisation Direct Democratie por Europa.