Milo Đukanović

De Wikipedia
Milo Đukanović

Milo Đukanović es un politico de Montenegro. Il nascet li 15-im de februar 1962 in Nikšić (Montenegro). Il esset plurivez presidente e prim-ministre de Montenegro e il domina li political vive de Montenegro desde li annu 1991. Il esset inter li annu 1997 e 2023 presidente del Democratic Partise de Socialistes (DPS). Il es anc egardat quam patre del índependentie de Montenegro in li annu 2006.

Li oposition acccusa Milo Đukanović esser responsabil por li contrabande de cigarettes, ma til nu nequó in ti direction es pruvat.

Til li 1996 Đukanović esset un adherente del serbian presidente Slobodan Milošević. In ti témpore de Đukanović suportat li idé de un strett alliantie inter Serbia e Montenegro.

Desde 1996 Đukanović volet que Montenegro un índependent state e dissolue chascun statal ligament con Serbia. In li annu 2006 il realisat ti political idé per un plebiscite in Montenegro.

Personal vive e tost annus[modificar | redacter fonte]

Milo Đukanović nascet quam filio del judico Radovan Đukanović e del infirmiera Stana. Il have un plu yun fratre Aco Đukanović e un plu old sestra Ana.

Milo Đukanović es maritat con Lidija Đukanović nascet Kuč e li cuple have un filio Blaža.

In li annu 1979 devenit Milo Đukanović un membre del comunist partise Yugoslavian Comunist Liga. Il studiat in Podgorica economie. Il es 1,96 metre alt e lude basketballe.

In li annu 1986 Đukanović devenit un membre del directoratu del Alliantie del Socialist Yunesse in Montenegro e 1988 il devenit un membre in li Central Comité del Yugoslavian Comunist Liga de Montenegro. Li Yugoslavian Comunist Liga de Montenegro changeat in li annu 1991 su nómine in Democratic Partise de Socialistes.

Political cariera[modificar | redacter fonte]

  • 1989 - 1991 Milo Đukanović esset secretario del presidentie del Yugoslavian Comunist Liga de Montenegro.
  • 1991 - 1998 Prim-ministre de Montenegro.
  • Desde 1997 Presidente del Democratic Partise de Socialistes.
  • 1998 - 2002 Presidente de Montenegro.
  • 2002 - 2006 Prim-ministre de Montenegro.
  • 2006 Montenegro devenit índependent pos un plebiscite. Đukanović atinge su grand political scope.
  • 2008-2010 Prim-ministre de Montenegro.
  • 2012-2016 Denov Prim-ministre de Monenegro.
  • 2018 Milo Đukanović es electet quam presidente de Montenegro.
  • 2018-2023 Milo Đukanović esset denov presidente de Montenegro.
  • 2023 Milo Đukanović perdit in li duesim rond del electiones presidential contra Jakov Milatović. Pos ti defete il demissionat li 6-im de april 2023 quam presidente del Democratic Partise de Socialistes.