Nebojša Radmanović
Nebojša Radmanović es un politico de Bosnia e Herzegovina. Il esset electet in li Presidentura del state de Bosnia e Herzegovina quam representate del serbes inter 2006 e 2010. Il nascet li unesim de octobre 1949 in Gračanica (Bosnia e Herzegovina) e es membre del Union del Índependent Socialdemocrates/SNSD.
Personal Vive[modificar | redacter fonte]
Pos il hat finit li scole in Banja Luka (Bosnia e Herzegovina Nebojša Radmanović studiat historie in li facultá de filosofie del universitá Beograd (Serbia). Pos li studie il laborat in li domenes sport, cultura, information, education e administration del state.
Il esset director del archive del Bosnian Krajina i del archive del Republika Srpska. Il anc esset director del National Teatre in Banja Luka e chef-redactor del jurnale Glas Srpske. Il ha publicat quelc libres.
Nebojša Radmanović es maritat e have du filias.
Political cariera[modificar | redacter fonte]
Il esset electet directmen quam representate de serbes in Presidentura del state Bosnia e Herzegovina 2006 e 2010 quam candidate del Union del Índependent Socialdemocrates/SNSD. Il es un del vice-presidentes del SNSD.
Il esset membre del guvernament del cité de Banja Luka, membre del parlament del Republika Srpska e ministre por admistration e local aferes in li guvernament de Milorad Dodik in li Republika Srpska.
In li annu 2014 Nebojša Radmanović esset electet in li Dom del Nationes del parlament de Bosnia e Herzegovina.