Sigmar Gabriel
Sigmar Gabriel es un german politico. Il esset inter li 13-im de novembre 2009 e li 19-im marte de 2018 li presidente del Socialdemocratic Partise de Germania.
Il nascet li 12-im de septembre 1959 in Goslar (Germania) e esset inter li 17-im de januar 2017 e li 14-im de marte 2018 ministre por externi aferes der Germania.
Personal e professional vive[modificar | redacter fonte]
- 1979 Gabriel finit li gimnasium in Goslar
- 1979 - 1981 Gabriel servit quam professional soldate por du annus.
- 1982 - 1987 Il studiat germanistica, sociologie e politica.
Pos su studies il laborat quam instructor in diferent institutiones de education por adult homes.
- 2012 Gabriel maritat por li duesim vez. Su duesim marita es li dentista Anke Gabriel (nascet quam Stadler).
Gabrial have du filias: un ex li unesim maritage (nascet in li annu 1989) e un con Anke Gabriel (nascet in li annu 2012)
Political cariera[modificar | redacter fonte]
- 1977 Gabriel devenit membre del Socialdemocratic Partise de Germania (SPD).
- 1976 - 1989 Gabriel esset funcionario del political yunesse organisation "Socialistic Yunesse de Germania - Li Falcones", quel es proxim del SPD.
- 1987 - 1998 Il esset membre in li parlament del Districte Goslar.
- 1991 - 1999 Gabriel esset membre in li guvernament del Districte Goslar.
- 1990 - 2005 Il esset membre del parlament del país federal Infra Saxonia.
- 1999 - 2003 Gabriel esset prim-ministre del país federal Infra Saxonia.
- 2005 - 2019 Gabriel esset membre del german parlament.
- 2005 - 2009 Gabriel esset federal ministre por ecologie, li protection del natura e li securita del atom-reactores.
- 2009 Li 13-im de novembre Gabriel es electet con 94,2 percent in Dresden quam presidente del Socialdemocratic Partise der Germania.
- 2009-2018 Sigmar Gabriel esset inter li 13-im de novembre 2009 e li 19-im marte de 2018 li presidente del Socialdemocratic Partise de Germania.
- 2013-2017 Ministre por economie e energie de Germania,
- 2013-2018 Vice-prim ministre de Germania in li guvernament de Angela Merkel.
- 2017-2018 Gabriel esset inter li 27-im de januar 2017 e li 14-im de marte 2018 ministre por externi aferes de Germania.