Sulejman Tihić
Sulejman Tihić esset un politico de Bosnia e Herzegovina. Il nascet li 26-im de novembre 1951 in Šamac e morit li 25-im de septembre 2014 in Sarajevo. Tihić esset inter 2002 e 2006 li membre del bosniakes in li Statal Presidentie de Bosnia e Herzegovina e esset desde li li 13-im octobre 2001 til su morte li presidente del conservativ Partise del Democratic Action.
Personal e professional vive[modificar | redacter fonte]
Sulejman Tihić studiat jurisprudentie in Sarajevo. Inter 1975 e 1983 il laborat quam judico e procurator in Šamac. In li Guerre Intern de Bosnia e Herzegovina Tihić esset captet in diversi prison-campes del armé del Republika Srpska inter li may e august 2002. Il laborat quam chef del consulari departement del ambassassade de Bosnia e Herzegovina in Germania. Il laborat in li ministre por externi aferes de Bosnia e Herzegovina quam consiliero del ministre inter 1996 e 1999.
Sulejman Tihić esset maritat con Jasminka Tihić. Li cuple havet du filios e un filia.
Sulejman Tihić morit pro cáncere li 25-im de septembre 2014 in Sarajevo.
Political cariera[modificar | redacter fonte]
- 1990 Sulejman Tihić esset sub li fundatores del conservativ Partise del Democratic Action.
- 1996-2002 Tihić esset membre del parlament del Republika Srpska por li Partise del Democratic Action.
- 2000-2002 Il esset vice-presidente del del parlament del Republika Srpska.
- 2001 Tihić esset electet li 13-im de octobre 2001 quam presidente del del conservativ Partise del Democratic Action quam successor del fundator del partise Alija Izetbegović.
- 2002-2006 Il esset quam representante del bosniakes in li Statal Presidentie de Bosnia e Herzegovina.
- 2006 Tihić perdit li electiones por li bosniak membre del Statal Presidentie de Bosnia e Herzegovina contra Haris Silajdžić.
- 2007-2014 Sulejman Tihić esset membre in li parlament de Bosnia e Herzegovina in li Dom del Nationes. Il esset desde li annu 2007 un membre del presidentie del Dom del Nationes.
Tihić esset egardat quam un moderat politico qui provat cooperar con li representantes de altri nationes in Bosnia e Herzegovina