Ursula von der Leyen

De Wikipedia
Saltar a: navigation, serchar
Ursula von der Leyen in li annu 2010l

Ursula von der Leyen, nascet quam Ursula Gertrud Albrecht, es un feminin politico de Germania. Ella nascet li 8-im de octobre 1958 in Ixelles (Belgia). Von der Leyen es un membre del conservatic Cristan Democratic Partise de Germania. Desde li 17-im de decembre 2013 ella es quam unesim fémina li ministre por defense de Germania.

Personal e professional vive[modificar | redacter fonte]

Ella nascet ye li 8-im octobre 1958 quam filia del ex-prim-ministre del german país federal Infra Saxonia Ernst Albrecht e de qui marita Heide Adele. Ella adultijat in Belgia. Pos ella hat finit li scola Ursula von der Leyen studiat inter 1977 e 1980 economica in Göttingen e Münster. Ella ne finit li studie. Poy ella studiat medicina in Hannover (Germania) e finit ti studie in li annu 1997. In li annu ella ganiat li universatari gradu del doctor del medicina. In li annu 1986 ella maritat li professor de medicina Heiko von der Leyen e li pare have sett infantes (du filios e quin filias]]. Inter 1992 e 1996 ella habitat in li Unit States de America. Inter 1996 e 2002 ella laborat che li universitá de Hannover in li facultá de medicina quam scientific colaboratora,

Political cariera[modificar | redacter fonte]

  • 1990 Ursula von der Leyen devenit membre del Cristan Democratic Partise de Germania (CDU).
  • 2001-2004 Membre del local parlament del cité de Sehnde in Infra Saxonia.
  • 2003 - 2005 Membre del parlament del país federal Infra Saxonia e ministre por social aferes, féminas, families e sanitá in li guvernament de Infra Saxonia del prim ministre Christian Wulff.
  • 2005 - 2013 Ursula von der Leyen esset ministre por familie, old homes, féminias e yunesse in li federal guvernamentes de Angela Merkel.
  • Desde 2009 ella es membre del german parlament por li CDU.
  • 2013 Ursula von der Leyen deveni quam unesim fémina in Germania ministre del defense, denov in li guvernament de Angela Merkel.