Yanis Varoufakis

De Wikipedia
Yanis Varoufakis

Yanis Varoufakis es un politico e ecomomist de Grecia. Il nascet li 24-im de marte 1961 in Athina e esset inter li 27-im de januar 2015 e li 6-im de julí 2015 ministre por financies in li radical levul e populist guvernament de Alexis Tsipras. Varoufakis self ne es membre de un political partise.

Personal e professional vive[modificar | redacter fonte]

Pos li scole il studiat economie in li Universitá de Essex e matematical statistica in li universitá de Birmingham in li Reyatu Unit. Inter 1983 e 1985 il esset docente del Universitá de Essex. Inter 1986 e 1988 il docet economie in li Universitá de Cambridge. Il anc docet in li Universitá de East Anglia, Glasgow e Sydney. In li annu 2000 il devenit professor de economie in li universitá de Athina. Desde li annu 2013 il laborat quam gast-docente in li Lyndon B. Johnson School of Public Affairs del Universitá de Texas in Austin in li Unit States de America.

Il ha publicat pluri libre pri economic temas.

Yanis Varoufakis es in relation con li artista Danae Stratou desde li annu 2005. Antey Varoufakis esset unvez maritat e ex ti maritage originat un filia.

Politica e political cariera[modificar | redacter fonte]

  • 2012 Varoufakis suportat por li unesim vez publicmen li politica del radical levul coalition SYRIZA.
  • 2014 Varoufakis refusat candidar por li radical levul coalition SYRIZA in li electiones del Europan Parlament.
  • 2015 Varoufakis candidat e esset electet in li parlament de Grecia por SYIRIZA. Il devenit ministre de financies li 24-im de marte in li guvernament de Alexis Tsipras, ma abandonat li 6-im de julí su oficie pro su mal relationes con important functionarios del Europan Union.

Varoufakis es contra mesuras de sparniage in li economic crise de Grecia. Il es un grand critico del grand international institutiones de financies e por un confrontation con politicos del Europan Union. Li 5-im de julí 2015 il mem nominat li politica del Europan Union in relation con Grecia mem terrorisme.