Zlatko Lagumdžija

Zlatko Lagumdžija es un politico de Bosnia e Herzegovina. Il nascet li 26-im de septembre in Sarajevo (Bosnia e Herzegovina e esset inter li 12-im de januar 2012 e li 1-im de april 2015 i ministre por externi aferes de Bosnia e Herzegovina e esset inter 1997 e 2014 li presidente del Socialdemocratic Partise de Bosnia e Herzegovina. Secun nationalitá il es bosniak.

Personal e professional vive

Zlatko Lagumdžija studiat informatica e electrotecnica in li universitá de Sarajevo. Il devenit doctor de informatica e electrotecnica in li annu 1988. Desde li annu 1994 il es chef del catedre de economic informatica in li facultá de economie del universitá de Sarajevo. Desde 1995 il es anc li director del Centre por menegeament e informatic tecnologie (MIT) in Sarajevo. Desde li annu 2005 il es vice-director del Bosniak Institute in Sarajevo.

Zlatko Lagumdžija es maritat con Amina Lagumdžija. Li cuple have li du filias Dina i Asja Zara e li filio Zlatko Salko.

1992-1993 Vice-prim-ministre de Bosnia e Herzegovina.
1993 Prim-ministre de Bosnia e Herzegovina.
1997 Lagumdžija es electet quam presidente del Socialdemocratic Partise de Bosnia e Herzegovina quam successor de Nijaz Duraković.
2001-2003 Lagumdžija esset ministre por externi aferes in li guvernament de Bosnia e Herzegovina.
2001-2002 Lagumdžija esset prim-ministre de Bosnia e Herzegovina inter li 18-im de julí 2001 e li 15-im de marte 2002.
2006 Il es electet in li parlament de Bosnia e Herzegovina in li dom de representantes.
2012 Zlatko Lagumdžija esset inter li 12-im de januar 2012 e li 1-im de april 2015 ministre por externi aferes in li guvernament de Bosnia e Herzegovina de prim-ministre Vjekoslav Bevanda.
2014 Pos li catastrofal resultate por su Socialdemocratic Partise de Bosnia e Herzegovina in li electiones in octobre 2014 Lagumdžija resignat quam presidente del Socialdemocratic Partise de Bosnia e Herzegovina e ne candidat plu por political functiones in li partise. In li decembre 2014 Nermin Nikšić es electet quam nov presidente del Socialdemocratic Partise de Bosnia e Herzegovina.