Aldous Huxley
| Aldous Huxley | |
|---|---|
.png) | |
| Land |  Unit Reyatu
|
| Nascentie | 26-im de julí 1894 in Godalming, Surrey |
| Morte | 22-im de novembre 1963 in Los Angeles, California |
| Ocupation | Autor |
Aldous Leonard Huxley esset un autor del Reyatu Unit. Il nascet li 26-im de julí 1894 in Godalming (Surrey) e il morit ye li 22-im de novembre 1963 in Los Angeles (California). Aldous Huxley devenit famosi pro su roman Brave New World in li annu 1932.
Aldous Huxley studiat anglesi literatura in Oxford inter 1913 e 1916. Il comensat publicar libres in li annus 20 del 20-im secul. Aldous Huxley translocat al Unit States de America in li annu 1937. Il esset egardat un del max grand intelectuales de su témpore.
Aldous Huxley esset duvez maritat. Inter 1919 e 1955 il esset maritat con Maria Nys de Belgia, qui morit pro cancere in li annu 1955. Inter 1956 til su morte 1963 Aldous Huxley esset maritat con li musico e autoressa Laura Achera. Ex su unesim maritage con Maria Nys Aldous Huxley havet un filio William Huxley.
Ovres
[modificar | redacter fonte]Aldous Huxley scrit romanas, essayes, racontas, poemas, viage-raportes e libres por filmes.
Important ovres:
- 1928 Point Counter Point
- 1932 Brave New World
- 1945 The Perennial Philosophy
- 1952 The Devils of Loudun
- 1954 The Doors of Perception
- 1962 Island (Insul)