Aleksandar Vučić
.jpg)
Aleksandar Vučić es un politico de Serbia. Desde li may 2012 il es li presidente del Serb Progressiv Partise e desde li 27-im de april 2014 il es prim-ministre de Serbia. Il nascet li 5 de marte 1970 in Beograd (Serbia).
Personal vive
[modificar | redacter fonte]Aleksandar Vučić finit li licéo in Zemun e studiat jurisprudentie in Beograd. Il finit su studie del anglesi in Brighton (Reyatu Unit).
Inter 1992 e 1993 il laborat in Pale (Bosnia e Herzegovina) por li serb station de television Kanal C. Il directet ta li novas in anglesi.
In li 1996 il devenit director del sport-comercial centre Pikin.
Desde decembre 2013 il es maritat con li serb diplomata Tamara Đukanović. Inter 1997 e 2012 il esset maritat con li jurnalista Ksenija Janković. Ex su unesim maritage il have un filio Danilo (nascet 1998) e un filia Milica (nascet 2002).
Political cariera
[modificar | redacter fonte]- 1993 Vučić devenit un membre del dextri-extremist Serb Radical Partise. Il es electet quam membre del serb parlament.
- 1995 Vučić devenit general-secretario del Serb Radical Partise.
- 1998 - 2000 Vučić esset ministre de information in li serb guvernament de Mirko Marjanović, quel consistet ex li Serb Socialist Partise, li Serb Radical Partise e li Yugoslav Levul.
- 2004 Vučić perdit in li duesim rond del electiones al borgomastro de Beograd contra Nenad Bogdanović del Democrat Partise.
- 2008 Vučić forlassat li Serb Radical Partise e devenit un membre del nov-fundat national-conservativ Serb Progressiv Partise (SNS) de Tomislav Nikolić. Il es electet quam vice-presidente del Serb Progressiv Partise.
- 2012 Pos li victorie de Nikolić in li presidential electiones Vučić devenit presidente del Serb Progressiv Partise e unesim vice-prim-ministre por li europan integration e por un curt témpor anc ministre de defense in li guvernament de Ivica Dačić.
- 2014 Pos li clar victorie de su partise Vučić devenit li 27-im de april prim-ministre de Serbia.
- 2017 Vučić es li candidate del Serb Progressiv Partise por li oficie del presidente de Serbia. Il victet in li unesim rond li 2-im de april 2017 con 55,1 percentes.
- 2023 Aleksandar Vučić ne candidat plu quam presidente del Serb Progressiv Partise e ye li 27-im de may 2023 Miloš Vučević devenit li nov presidente del partise.
Politica
[modificar | redacter fonte]Malgré su passate quam functionario del nationalist Serb Radical Partise Vučić hodie suportat un integration de Serbia in li Europan Union. E pro to Vučić mem subtene un compromisse in li pratical relationes inter Serbia e Kosovo. In Serbia self Vučić es hodie tre populari pro su campanie contra li coruption in li land.