Alexander Graham Bell
| Alexander Graham Bell | |
|---|---|
 | |
| Land |  Unit Reyatu,  USA |
| Nascentie | 3-im de marte 1847 |
| Morte | 2-im de august 1922 in Baddeck, Canada |
| Ocupation | inventor, scientist, ingeniero |
Alexander Graham Bell esset un inventor, scientist e ingeniero de Scotia (Reyatu Unit). Il nascet li 3-im de marte 1847 in Edinburgh (Scotia) e morit ye li 2-im de august 1922 in Baddeck (Canada). Desde li annu 1882 Alexander Graham Bell anc havet li civitá del Unit States de America.
Alexander Graham Bell es egardat quam inventor del telefon.
Alexander Graham Bell studiat in Edinburgh latin e grec e laborat quam instructor por lingue-tecnica. Il translocat a su patre a London e studiat ta anatomie fisiologie del homan voce. Alexander Graham Bell translocat in li annu 1870 a Canada e laborat desde li annu 1871 in li Unit States de America. Il laborat quam instructor por surd homes.
Alexander Graham Bell maritat in li annu 1872 Mabel Gardiner Hubbard, qui esset surd. Li cuple havet du filias e du filios. Inter 1873 e 1877 Alexander Graham Bell esset professor por lingue-tecnica e fisiologie del voce al universitá Boston.
In li annu 1876 developat Graham Alexander Bell li telefon a un usabil sistema de comunication. Il co-fundat li firma American Telephone and Telegraph Company e constructet un telefon-retage in li Unit States de America. In facte Bell ne inventet li telefon, ma developat it a un usabil instrument por mult homes.