Alexander Turchin
| Alexander Turchin | |
|---|---|
 | |
| Land |  Bielorussia
|
| Nascentie | 2-im Julí 1975 in Navahrudak |
| Partise | índependent |
| Oficies | |
| Prim-ministre de Bielorussia | |
| Quande | 10-im de marte 2025 til nu |
| Antecessor | Roman Golovchenko |
Alexander Genrikhovich Turchin (bielorussian: Аляксaндaр Гeнрыхавіч Турчын) es un politico de Bielorussia. Il nascet li 2-im de julí 1975 in Navahrudak e es desde li 10-im de marte 2025 prim-ministre de Bielorussia. Alexander Turchin ne es membre de un political partise.
Personal e professional vive
[modificar | redacter fonte]Alexander Turchin comensat studiar ingeniero, ma ne finit li studies. Per su patre, qui esset un functionario del Comunist Partise del Soviet-Union, il trovat un labore in li butica de un kolchose.
Pos to Alexander Turchin laborat quam inspector de impostes e comensat laborar che li statal commission por impostes e in li ministerie por financies de Bielorussia. Il studiat in Minsk economie e public administration.
Political cariera
[modificar | redacter fonte]Alexander Turchin havet pluri important functiones in li administration del districtes Minsk e Homel.
- 2018-2019 Alexander Turchin esset li unesim vice prim-ministre de Bielorussia in li guvernament de Syarhey Rumas.
- 2019-2025 Presidente del administration del region Minsk.
- 2020 Li Europan Union decidet sanctiones contra Alexander Turchin.
- 2025 Alexander Turchin devenit ye li 10-im de marte 2025 prim-ministre de Bielorussia.