Alexander Zverev
| Alexander Zverev | |
|---|---|
 | |
| Land |  Germania |
| Nascentie | 20-im de april 1997 in Hamburg |
| Ocupation | Sportist, Ténnis-lusoro |
Alexander 'Sascha" Zverev es un professional ténnis-lusor de Germania. Il nascet li 20-im de april 1997 in Hamburg e ganiat ye li 7-im de junio 2026 Grand Slam-torney de Paris. In li annu 2021 Alexander Zverev ganiat li aure-medallie in li singul-competition por mannes in ténnis che li Olimpic Ludes del Estive 2020 in Tōkyō, Japan.
Li genitores de Alexander Zverev origina de Russia. Su patre Alexander Zverev senior e su matre Irina Zvereva (nascet quam Irina Fatejeva) esset ambi professional ténnis-lusores. Su seniori fratre Mischa Zverev es anc un professional ténnis-lusor de Germania. In li annu 1991 li familie de Alexander Zverev translocat de Moscva a Hamburg in Germania.
Desde li annu 2013 Alexander Zverev lude professionalmen ténnis. Ye li 7-im de junio 2026 il esset ye li rang número 3 in li ténnis rang-liste mundal del ATP. Til li 7-im de junio 2026 Alexander Zverev ganiat 25 torneys del ATP. Antey su victorie in Paris 2026 il esset trivez in li finale de Grand Slam-torneys, ma perdit omni tri finales.
Alexander Zverev es 1,98 alt e pesa 90 kilogrammas. Su chef de exercition es su patre Alexander Zverev senior. Alexander Zverev habita in Monte Carlo.
Alexander Zverev es desde li annu 2021 in relation con li actoressa, foto-modelle e presentatora de television Sophia Thomalla. In li annu 2021 Alexander Zverev anunciat que il have li maladijat a diabete-tip 1.