Alexei Navalny
| Alexei Navalny | |
|---|---|
_1.jpg) | |
| Land |  Russia
|
| Nascentie | 4-im de junio 1976 in Budyn |
| Morte | 16-im de februar 2024 in Charp |
| Ocupation | Politico, Activist |
Alexei Anatolievich Navalny (russ: Алексей Анатольевич Навальный) es un politico de Russia. Il nascet li 4-im de junio 1976 in Budyn e morit ye li 16-im de februar 2024 in li prison in Charp. Navalny esset li presidente del liberal political partise Russia del Futur e un grand critico e adversario del criminal dictator de Russia Vladimir Putin.
Personal e professional vive
[modificar | redacter fonte]Alexei Navalny studiat jurisprudentie in Moscva. Pos to il studiat comercie de actiones e bursa. Navalny laborat quam avocate, ma in li annu 2013 il perdit li permission laborar quam avocate pro su political activitás contra li presidente.
Il es activ in li combatte contra li coruption del political e economic elites de Russia.
Desde li annu 2000 Alexei Navalny es maritat con Yulia Navalnaya e li cuple have un filia e un filio.
In li august 2020 Alexei Navalny supervivet un attentate li venen Novichok durante un aviation de Tomsk a Moscva. Navalny esset transportat a un hospitale in Berlin (Germania). Navalny e li states del Europan Union crede que li servicie secret de Russia es responsabil por li assassination. Pos su retorn al Russia Alexei Navalny esset arestat e condomnat a 19 annus prison. Il morit in li prison in Charp in li etá de 47 annus.
Political cariera
[modificar | redacter fonte]- 2000-2007 Membre del liberal partise Yabloko.
- 2013-2018 Alexei Navalny esset membre del liberal Partise del Progresse.
- 2013 Navalny candidat por li oficie del borgomastro in Moskva e finit malgré mult obstructiones del administration ye li duesim rang con 27,5 percentes.
- 2014-2018 Navalny esset presidente del Partise del Progresse.
- 2018 Navalny volet candidat quam presidente de Russia, ma esset arestat e ne posset candidar.
Polical activitás
[modificar | redacter fonte]Alexei Navalny esset autor de un internet-blog e criticat li coruption de presidente Vladimir Putin e del guvernament.