Alhierd Bacharevič

Alhierd Bacharevič
Land	Bielorussia
Nascentie	31-im de marte 1975 in Minsk
Ocupation	Autor

Alhierd Bacharevič (bielorussian: Альгерд Бахарэвіч) es un autor de Bielorussia. Il nascet li 31-im de marte 1975 in Minsk e il habita desde li annu 2020 in exilie. Alhierd Bacharevič ganiat pluri premies de litteratura. In li annu 2025 il ganiat li premie del libre-ferie de Leipzig, li Libre premie de Leipzig por li europan intercomprension.

Personal e professional vive

Alhierd Bacharevič studiat in Minsk bielorussian lingue e litteratura. Quam studente il esset li cantator del punk-musica-gruppe Provokacija (Provocation) e esset co-fundator del litteratura-gruppe Bum-Bam-Lit.

Pos su studies Alhierd Bacharevič laborat quam instructor e jurnalist. Inter 2006 e 2013 il laborat in Hamburg (Germania). Alhierd Bacharevič retornat a Bielorussia in li annu 2013. Il suportat li grand protestes contra li regime del presidente Aleksandr Lukashenko in li annu 2020 e devet forlassar Bielorussia pro li repressiones del regime contra li oposition. Inter 2020 e 2023 Alhierd Bacharevič habitat in Graz (Austria) e desde li annu 2023 denov in Hamburg.

Alhierd Bacharevič es maritat por li duesim vez e il have un filia. Su unesim marita esset Ksienija Baharevič, nascet quam Ksenija Brečka, e desde li annu 2013 il es maritat Julija Cimafiejeva. Li nómine de su filia es Uljana.

Ovres

Alhierd Bacharevič scri li max grand parte de su libres in li bielorussian lingue. Il ganiat pluri premies de litteratura. Alhierd Bacharevič es activ quam autor desde li annu 1993.

Quelc important ovres es:

• 2009 Li piga sur li patibul (Сарока на шыбеніцы).
• 2012 Šabany: Li historie de un desaparition (Шабаны. Гісторыя аднаго зьнікненьня).
• 2014 Li infantes de Alidarka (Дзеці Аліндаркі).
• 2015 Blanc mosca, viril mortator (Белая муха, забойца мужчын).
• 2017 Li canes de Europa (Сабакі Эўропы).
• 2023 Un sercha del policie in li múseo (Ператрус у музэі) - colection de racontas.