Antony Blinken

Antony Blinken
Antony Blinken
Land	USA USA
Nascentie	16-im April 1962 in Yonkers (New Jersey)
Partise	Democratic Partise
Oficies
Ministre por externi aferes del USA
Quande	26-im januar 2021 til nu
Antecessor	Mike Pompeo

Antony John Blinken es un politico del USA. Il nascet li 16-im de april 1962 in Yonkers (New Jersey) e es desde li 26-im januar 2021 li ministre por externi aferes del Unit States de America. Blinken es membre del Democratic Partise.

Personal e professional vive

Antony Blinken origina de un judeic familie quel venit al USA de Hungaria. Su patre Donald M. Blinken esset inter 1978 til 1990 li ambassador del USA in Hungaria. Pos li divorcie de su genitores il habitat in Paris in Francia che su matre Judith. Antony Blinken parla fluentmen francesi.

Antony Blinken studiat social studies in li universitá de Harvard. Il esset co-editor del arte-jurnal The Harvard Crimson. Il anc scrit pluri articules por li jurnal e anc por li revúe The New Republic. Poy Blinken studiat jurisprudentie al Columbia Law School in New York.

Antony Blinken laborat quam avocate. Il esset in li equip por li presidential campanie de Michael Dukakis in li annu 1988 por colecter moné. Inter 2017 e 2021 Antony Blinken laborat quam jurnalist e docet al universitá de Chicago.

Desde li annu 2002 il es maritat con Evan Ryan e li cuple have du infantes.

Political cariera

Por du decennies Blinken laborat in li administration de institutiones por li externi politica de USA.

• 1994-2001 Membre del National Consilie de Securitá de USA in li administration del presidente Bill Clinton.
• 2009-2013 Antony Blinken esset consilero de securitá del vice-presidente Joe Biden.
• 2013-2017 Vice-national consiliero por securitá in li guvernament de Barack Obama.
• 2015-2017 Vice-ministre por externi aferes in li guvernament de Barack Obama.
• 2021 Antony Blinken devenit li 26-im de januar 2021 ministre por externi aferes de USA in li guvernament del presidente Joe Biden.