Björk
| Björk Guðmundsdóttir | |
|---|---|
.jpg) | |
| Land |  Island
|
| Nascentie | 21-im de novembre 1965 in Reykjavík |
| Ocupation | Cantatora, Musico, Actoressa |
Björk Guðmundsdóttir es un cantatora, musico e actoressa de Island. Ella nascet ye li 21-im de novembre 1965 in li cité capital de Island Reykjavík.
Björk eat a un musico-scola e aprendet te diversi instrumentes. Björk publicat in li annu 1977 su unesim album sub li nómine Björk. Ja in li etá de 14 annus Björk fundat un punk musica gruppe por puellas sub li nómine Spit and Snot . In li annu 1979 sequet li fusion jazz musica gruppe Exodus. In li annu 1981 format li gruppe Tappi Tíkarrass, quel existet til li annu 1983. Inter 1983 e 1986 Björk esset li cantatora in li post-punk rock musica gruppe KUKL.
Inter 1986 e 1992 Björk esset li cantatora del musica gruppe The Sugarcubes, quel esset tre successosi in li Unit States de America e in West-Europa. In annu 1992 Björk translocat a London e publicat su unesim solo album Debut, quel esset tre successosi. Anc li altri albumes devenit tre successosi.
Desde li annu 1990 Björk es anc activ quam actoressa.
Inter 1986 e 1987 Björk esset maritat con Þór Eldon e inter 2002 e 2013 ella esset in un relation con li artist e film-director Matthew Barney. Björk have un filio e un filia.
Discografie
[modificar | redacter fonte]Albumes
[modificar | redacter fonte]- 1993 Debut
- 1995 Post
- 1997 Homogenic
- 2001 Vespertine
- 2004 Medúlla
- 2007 Volta
- 2011 Biophilia
- 2015 Vulnicura
- 2017 Utopia
- 2022 Fossora