Cosmoglotta Comunité
Cosmoglotta Comunité es un revúe in Interlingue qui comensat esser publicat in 2025 ex un gruppe de occidentalistes circum David MacLeod[1]. Li unesim numeró havet 16 págines.
Critica
[modificar | redacter fonte]Cosmoglotta Comunité esset criticat por usar prominentmen li ancian nómine del lingue Occidental. It anc ne es scrit totmen in Interlingue, ma permisse un gast-lingue presenta se. In li unesim numeró de Cosmoglotta Comunité it esset Sambahsa[2]. To esset fortmen criticat de Interlinguistes quam Dorlota Burdon e Thomas Schmidt [3]. Cosmoglotta Comunité anc ne permisse li publication de litterari textus e resta proxim al poliglott filosofie gruppe Occidental che li social-retage Discord[fonte manca], quel anc vole changeamentes in li actual form de lingue [4].
Li chef-redactor de Cosmoglotta C, Leo Stief, explicat li politica del jurnal talmen: Fórsan tu miscomprende un poc li filosofie del nov revúe. Noi ne vole crear un organ de propagande quel tace pri altri lingues ideologicmen. It va esser un publication in IE/Occ, ne de IE/Occ. Pro to, it vell haver null sense excluder Sambahsa (o altri projectes interessant) quam tema possibil per li argument que ti lingue es ancor plu micri quam Occ self...[5].
Referenties
[modificar | redacter fonte]- ↑ Nov Iniciative, in Cosmoglotta 336
- ↑ Vide Cosmoglotta Comunité 1, p. 10-11.
- ↑ Por li critica de Thomas Schmidt in li Google-Group Interlingue-Occidental vide https://groups.google.com/g/interlingue-occidental/c/Q5vnMUVl7KA
- ↑ Li chef-redactor de Cosmoglotte Comunité Leo Stief proposit changear e complicar li Regul de De Wahl in su articul Un regul alternativ por li derivation, vide Cosmoglotta 335 (2025), págine 2 e in li gruppe de Discord existe un sub-forum con li nómine Occ 25-in quel li changeamentes del lingue es proposit e discusset
- ↑ Leo Stief che Discord 8-im de octobre 2025 in li gruppe Occidental in li sub-forum Cosmoglotta C
