David MacLeod
| David MacLeod | |
|---|---|
| Land |  Canada |
| Nascentie | 11-im de septembre 1979 |
| Ocupation | Interlingueiste |
David MacLeod o anc Dave MacLeod es un Interlinguiste de Canada, qui habita in Seoul (Sud-Korea). Il nascet li 11-im de septembre 1979 [1] es un del max activ Interlinguistes desde circa li annu 2018.
David MacLeod studiat al Athabasca University in Athabasca (Canada). David MacLeod es specialist por computatores e li labora in li sector del informatica che un firma in Sud-Korea. Il es specialist por programmar in li computator-lingue Rust. In li social retages il usa li pseudonimes Dhghomon (che Discord) e Mithridates.
Secun su profile che Facebook David MacLeod es maritat[2].
David MacLeod creat diversi internet-págines por Interlingue. Li max important internet-págine es occidental-lang.com[3] e creat li gruppe Occidental Language che li social retage Discord. [4]. Il anc es li inititor del jurnal Cosmoglotta Comunité. David MacLeod prefere li ancian nómine de Interlingue Occidental.
David MacLeod anc traductet litteratura a Interlingue. Il ha anc creat li cursu por aprender Interlingue Salute, Jonathan! e anc digitalisa ancian libres e materiale por aprender Interlingue por li internet.
David MacLeod anc corectet li Interlingue-libres de Vicente Costalago.
David MacLeod e altri lingues
[modificar | redacter fonte]David MacLeod es un poliglott e parla mult lingues. Il anc esset activ por mult altri planlingues, ma desde circa 2018 il concentrat su activitás a Interlingue.
Publicationes in Interlingue
[modificar | redacter fonte]- desde 2019 Salute, Jonathan! che Wikibooks.
- 2019 Li Romance de Photogen e Nycteris de George MacDonald, traductet e publicat in Interlingue de David MacLeod.
- 2021 Kinderseele de Hermann Hesse, traductet e publicat in Interlingue de David MacLeod.
Referenties
[modificar | redacter fonte]- ↑ Information secun su profile che Facebook ye li 27-im de februar 2026
- ↑ Vide profile de David MacLeod che Facebook
- ↑ Vide occidental-lang.com
- ↑ Vide Li gruppe Occidental Language che Discord