Districte Brčko

Li Districte Brčko

Li Districte Brčko es un autonom territorie in li nord-ost del state Bosnia e Herzegovina. Li districte formalmen apartene a ambi entitetes Republika Srpska e Federation Bosnia e Herzegovina.

Li Districte Brčko have un area de 493 quadrat-kilometre e 93.028 (2013) habitantes. Li cité capital del Districte Brčko es li cité Brčko. Li districte consiste ex li cité Brčko e su circumitá.

Secun li Statut del Districte Brčko it es unit administrativ unit de local self-administration sub li soveranitá del state Bosnia e Herzegovina. Li Districte Brčko have un propri mult-etnic administration, policie e justicie. Li districte ne have propri simboles, ma usa les del state Bosnia e Herzegovina.

• Borgomastro: Anto Domić (HDZ BiH)
• Presidente del parlament del districte: Đorđa Kojić (SNSD)

Historie

In li Guerre intern de Bosnia e Herzegovina li terrorie de municipie Brčko esset dividet inter li armés del Republika Srpska e l armé de Republica Bosnia e Herzegovina. Li coridor de Brčko havet un grand strategic importantie in li guerre intern.

Li districte esset creat un international arbitrage in li annu 1999 pro que li territorie esset disputat inter li du entitetes Republika Srpska e li Federation Bosnia e Herzegovina. Oficialmen it esset fundet li 8-im de marte 2000.