Dveri

De Wikipedia
Jump to navigation Jump to search

Dveri (serb: Покрет Двери / Pokret Dveri)) es un nationalist movement in Serbia. It have li statu de un cive-association. Dveri esset fundat li 27-im de januar 1999 e partiprendet in li electiones al parlament in Serbia in li annus 2012 e 2014. Li nómine del movement Dveri significa "Portas". In li annu 2011 Dveri adoptet quam supplement de su nómine Movement por li vive de Serbia.

  • Fundation: 27-im de januar 1999 in Beograd
  • Sede: Beograd
  • Political direction: nationalist, self-perception: cristan-conservativ
  • Presidentie: Boško Obradović, Vladan Glišić, Branimir Nešić, Srđan Nogo, Zoran Radojičić, Danilo Tvrdišić, Radovan Tvrdišić
  • Fundatores: Boško Obradović, Branimir Nešić
  • Reprensentantes in li national parlament: sett sedes.

Historie[modificar | redacter fonte]

Dveri esset fundat in li annu 1999 per studiantes in Beograd political organisation de yunesse. Su scope esset propagandar por li nationalist e clerical filosofie de Nikolaj Velimirović. Dveri esset activ in li annu 2010 por evitar li parade del organisationes por li equalitá de homosexual persones in Beograd. In li annus 2012 e 2014 Dveri candidat sin successe por li parlament de Serbia, ma recevit con 4,34 (2012) e 3,58 (2014) remarcabil resultates.

Por li parlamentari electiones 2016 Dveri format un electoral alliantie con li Democratic Partise de Serbia sub li nómine Patriotic Allianse. Li Patrotic Allianse recivet 5,04 percentes e intrat in li parlament de Serbia. Dveri self ganiat sett mandates

Programma[modificar | redacter fonte]

Dveri suporta un grand-serb nationalisme. Il agita contra li índependentie de Kosovo e por un union inter Serbia e li Republika Srpska in Bosnia-Herzegovina. Dveri ne accepta e vole anulla li Acorde de Dayton quel finit li Guerre Intern de Bosnia e Herzegovina. Li movement es contra li integration e membritá de [Serbia]] in li Europan Union e vole un strett alliantie de Serbia e Russia.

Dveri agita agressivmen contra sexual minorités.

Electiones[modificar | redacter fonte]

Li movement Dveri partiprendet in li electiones al serb parlament 2012 e 2014, ma ne intrat in li parlament pro que it atinget min quam quin percent del votes. In li electiones 2016 Dveri intrat in li parlament per un alliantie con li Democratic Partise Serbia

Electiones al serb parlament

  • 2012 4,34 percent 169.590 votes
  • 2014 3,58 percent 128.458 votes
  • 2016 5,04 percent 190.530 votes e sett sedes por Dveri quel esset in un electoral alliantie con li Democratic Partise de Serbia.

Organisation[modificar | redacter fonte]

Dveri have su sede in Beograd e have burós in omni municipes de Beograd e in 66 municipies éxter Beograd. Dveri ne have un sol presidente, ma un colectiv directoratu Старешинство quel consiste ex ott persones.

Ligamentes extern[modificar | redacter fonte]