Ecologic Democratic Partise

Li Ecologic Democratic Partise (german: Ökologisch-Demokratische Partei es un political partise in Germania. It es egardat quam un centristic-conservativ ecologic partise e es acurtat ÖDP. It esset fundat in li annu 1982 in Wiesbaden per conservativ membres del levul-ecologic partise Alliantie 90/Li Verdes in li annu 1982. Til nu partise have solmen ganiat mandates sur li local nivelle, apartmen in Bavaria u it mem have quelc borgomastros. In li electiones al Europan Parlament 2014 li Ecologic Democratic Partise ganiat un mandate.
- Fundation: 23-im/24-im de januar 1982
- Political direction: ecologic-conservativ, por plu direct democratie.
- Presidentes: Charlotte Schmid desde 2022
- Sede del partise: Würzburg
- Membritá: 8225 (2021)
- Reprensentantes in li national parlament: null
- Representantes in li Europan Parlament: Klaus Buchner (inter 2014-2020), Manuela Ripa desde 2020
- Mandates sur li local nivelle: circa 400 (de tis circa 300 in Bavaria)
Historie
[modificar | redacter fonte]Li Ecologic Democratic Partise esset fundat per li ex-membre del german parlament por li Cristan Democratic Union Herbert Gruhl in li annu 1982. In li annu 1990 fallit un iniative del reunition con li levul-ecologic partise Alliantie90/Li Verdes. In li annu 1994 atinget li Ecologic Democratic Partise in li electiones por li parlament del land Bavaria 2,1 percent, quel es til hodie li max resultate del partise che electiones in li paises federal de Germania.
Inter 2004 e 2006 li Ecologic Democratic Partise cooperat con li German Partise de Families.
Li Ecologic Democratic Partise usa successossimen li instumente de plebiscites sur li nivelle del países federal. Pro li initiative del Ecologic Democratic Partise esset abandonat in li annu 1997 li duesim chambre del bavarian parlament, li Bavarian Senatu e in li annu 2010 un plebiscite del partise por un strict lege por li protection de ne-fumatores successat in Bavaria.
Li Ecologic Democratic Partise processuat in tribunales anc contra li barriere de quin percent por partise por ganiar un represenation in parlamentes e anc un version del lege por financiar political partises esset declarat ínvalid per un judicament del Federal Constitutional Tribunale de Germania.
Organisation
[modificar | redacter fonte]Li Ecologic Democratic Partise have organisationes sur li nivelle del país federal in 14 del 16 landes de Germania. Li partise have un jurnal ÖkolgiePolitik, quel es publicat quarvez in li annu. Li partise have organisation por li yunesse, li Yun Ecologes, e un organisation por féminas. Li partise es membre del 2005 fundat international partise organisation World Ecological Parties.
Li partise have un national presidentie, quel consiste ex nin membres. Quam consultativ organ li partise have li Ecologic Consilie (german: Ökologischer Rat), quel consiste ex expertes por consiliar li parise. Li membres del Ecologic Consilie es nóminat per li federal presidentie del partise e afirmat sur li national conferenties del partise.
Presidentes del Ecologic Democratic Partise
[modificar | redacter fonte]- 1982-1989 Herbert Gruhl
- 1989-1993 Hans-Joachim Ritter
- 1993-1995 Bernd Richter
- 1995-1997 Hans Mangold
- 1997-2000 Susanne Bachmaier
- 2000-2003 Uwe Dolata
- 2003-2010 Klaus Buchner
- 2010-2014 Sebastian Frankenberger
- 2014-2017 Gabriela Schimmer-Göresz
- 2017-2018 Agnes Becker quam transitori presidenta.
- 2018-2020 Christoph Raabs
- 2020-2022 Christian Rechholz
- 2022-nu Charlotte Schmied
Electoral Resultates
[modificar | redacter fonte]Resultates sur li national nivelle de Germania
[modificar | redacter fonte]- National electiones de Germania: 0,3 % (2013), 0,3 % (2009), 0,1 % (2002), 0,2 % (1998), 0,4 % (1994), 0,4 % (1990), 0,3 (1987), 0,0 (1983)
- Electiones al Europan Parlament: 1,0 % (2019) e un mandate, 0,6 (2014) e un mandate, 0,5 % (2009), 0,6 % (2004), 0,4 % (1999), 0,8 (1994), 0,7 % (1989),
Resultates in país federal
[modificar | redacter fonte]Resultates in li recent electiones del países federal de Germania
- Bavaria 2,0 % (2013)
- Baden-Württemberg 0,9 % (2011)
- Rheinland-Palatinia 0,4 % (2011)
- Thuringia 0,4 % (2009)
- Hamburg 0,3 % (2011)
- Saxonia-Anhalt 0,2 % (2011)
- Hesse 0,1 % (2013)
- Nordrhen-Westfalia 0,1 % (2012)
- Berlin 0,1 % (2011)
Li partise ne partiprendet in li recent electiones de Infra Saxonia, Saxonia, Bremen, Schleswig-Holsteinia e Mecklenburg-Vorpommeria.