Fission Nucleari
In fisica nucleari e chimie nucleari, fission nucleari es un reaction in quel li nucleo de un atom divide ad-in plu micri partes (plu levi nucleos), frequentmen producter liberi neutrones e fotones (in li forme de radies gamma) e libera un grandissim quantitá de energie. Li du nucleos productet es sovente de dimension comparabil, tipicmen con un proportion de masse circa 3:2 por comun isotopes fissil. [1] [2] Li max parte de fissiones es fissiones binari, ma rarmen (de 2 a 4 vezes per 1000 eventes), tri positivmen cargat fragmentes es productet in un fission ternari. Li plu micri de tis have dimension de un proton a un nucleo de argon. Fission nucleari deve ne esser confuset con fusion nucleari, quel es li amalgamation de du nucleos de formar un singul nov plu grand nucleo.
Fission es usualmen un reaction nucleari energetic induet per un neutron, benque it ocurre rarmen in li forme de spontan desintegration radioactiv, specialmen in isotopes con plu alt masse-numeres. Li composition ínpredictabil del productes (quel varia in un largmen probabilistic e alquant caotic maniere) distinte fission de eventes tunnelante quantic quam emission protonic, desintegration alpha, e desintegration de gruppes, que da li sam productes consistentmen.
Fission de elementes pesant es un reaction exotermic quel posse liberar un grand quantitá de energie, ambi quam radiation electromagnetic e quam energie kinetic del fragmentes. Por fission de producter energie, li tot bandant energie de li elementes resultant deve esser minu quam del elemente original. Fission es un forme de transmutation nucleari, pro que li fragmentes resultant ne es li sam elemente quam li atom original.
Fission nucleari producte energie por potentie nucleari e de propulser li explosion de armes nucleari. Ambi usus es possibil si combustibiles nucleari suffre fission quando les es frappat per neutrones fissional, e poy emisse neutrones quando les desintegra.
To fa possibil un autosuportant reaction catenic que libera energie a un rate controlat in un reactor nucleari o a un rate rapidissimi e íncontrolat in li detonation de un arme nucleari. Li quantitá de energie liberi contenet in combustibil nucleari es milliones de vezes li quantitá de energie liberi contenet in un masse simul de combustibil chimic, p.ex. benzine, fa fission nucleari un atrativ fonte de energie. Li productes de fission nuclear, támen, es usualmen mult plu radioactiv quam li elementes pesant in li combustibile, e remane radioactiv por long durationes, causa li problema del magasinage de residue nucleari.
Vide anc[modificar | redacter fonte]
Referenties[modificar | redacter fonte]
- ↑ Arora, M.G., Singh, M. (1994). Nuclear Chemistry, Anmol Publications, ISBN 81-261-1763-X, http://books.google.com/books?id=G3JA5pYeQcgC&pg=PA202
- ↑ Saha, Gopal (2010). Fundamentals of Nuclear Pharmacy, 6th Edition, Springer Science+Business Media, ISBN 1-4419-5859-2, http://books.google.com/books?id=bEXqI4ACk-AC&pg=PA11