Franz Schönhuber

Franz Xaver Schönhuber esset un politico, jurnalist e autor de Germania. Il nascet li 10-im de januar 1923 in Trostberg e morit li 27-im de novembre 2005 in München. Il esset un del fundatores e presidente del dextri political partise Li Republicanes (german: Die Republikaner).

Personal e professional vive

Schönhuber esset li filio de un buchero e finit in li annu 1942 li gimnasium in München. In li era del nationalsocialisme il esset membre del yunesse-organisation Hitler-Jugend e del Nationalsocialist Labore Partise de Germania. Il esset voluntario del militari truppe Waffen-SS quel esset in li Duesim Guerra Mundal responsabil por mult crímines.

Pos li fine del guerre il laborat quam jurnalist. Schönhuber scrit por li Abendzeitung in München e li Deutsche Woche. Il esset chef-redactor del jurnal diari tz. Il anc moderat quelc emissiones in li Bavarian Television. In prim li emission Gute Fahrt (Bon viage) e plu tard li local-politic discussion Jetzt red I (Nu yo parla). Il devenit vice-chef-redactor del Baverian Television e in li annu 1975 il devenit li chef del departement information in li Bavarian Television. Il havet strett relationes con li guvernant Crist Social Union de Bavaria e al prim-ministre de Bavaria Franz-Josef Strauss.

Su jurnalistic carriera finit in li annu 1981 per li publication de su autobiografie Ich war dabei (Yo esset in it). In ti libre justificat su activitá in li Waffen-SS e laudat ti elite-truppe del regime del Nationalsocialisme. Schönhuber esset ínmediatmen demisset. Quelc annus plu tard un tribunale in München constatat que li libre ne esset un justification del nationalsocialisme e ti demission esset contra li lege. Pos to Schönhuber comensat su political carriera.

Schönhuber esset duvez maritat. Su duesim marita esset li ex-membre del consilie municipal del Socialdemocratic Partise de Germania Ingrid Schönhuber.

Political cariera

1983 Franz Schönhuber fundat juntmen con li ex-membres del german parlament del Cristan Social Union in Bavaria Franz Handlos e Ekkehard Voigt Die Republikaner (Li Republicanes). Schönhuber devenit li vice-presidente del Republicanes.
1985 Pos un intern lucte Schönhuber es electet presidente del partise Li Republicanes. Franz Handlos e Ekkehard Voigt forlassat li partise e Schönhuber apertet li partise a dextri e anc por membres del extrem-dextri partises e movementes.
1989-1994 Schönhuber esset membre del Europan Parlament in Strasbourg por li partise Li Republicanes.
1990 Schönhuber ganiat in un intern lucte Harald Neubauer e altri ex-membres del extrem-dextri partises, qui volet expulser ex li partise. Schönhuber devenit denov presidente del partise Li Republicanes.
1994 Schönhuber ne candidat denov quam presidente del partise Li Republicanes pos il esset mult criticat pro su cooperation con Gerhard Frey qui esset presidente del extrem-dextri partise German Popul Union (Deutsche Volksunion). Rolf Schlierer es contra li volentie de Schönhuber electet quam presidente del partise Li Republicanes. Schlierer ganiat contra Rudolf Krause qui esset li favorite de Schönhuber.
1995 Franz Schönhuber forlassat li partise Li Republicanes. Pos to il esset activ in diversi extrem-dextri circules
1998 Il candidat por li german parlament por li extrem-dextri partise German Popul Union. Schönhuber ductet li liste in li país federal Bavaria.
2005 Schönhuber candidat por li extrem-dextri Nationaldemocratic Partise de Germania in Dresden por li parlament de Germania, ma il morit in li 27-im de novembre 2005 in li etá de 82 annus pro un pneumonie.

Ovres

Franz Schönhuber publicat li sequent libres:

Ich war dabei. Langen Müller, München 1981.
Freunde in der Not. Langen Müller, München 1983.
Macht. Langen Müller, München 1985.
Trotz allem Deutschland. Langen Müller, München 1987.
Die Türken - Geschichte und Gegenwart. Langen Müller, München 1989.
In Acht und Bann. Verlagsgesellschaft Berg, Berg am Starnberger See 1995.
Die verbogene Gesellschaft. Verlagsgesellschaft Berg, Berg am Starnberger See 1996.
Le Pen – Der Rebell. Verlagsgesellschaft Berg, Berg am Starnberger See 1997.
Woher? Wohin? Europas Patrioten.
Schluß mit deutschem Selbsthaß. (con Horst Mahler) Verlagsgesellschaft Berg, Berg am Starnberger See 2000.
Europas Patrioten. Die Eurorechte – Chance oder Illusion? Verlagsgesellschaft Berg, Berg am Starnberger See 2000.
Welche Chancen hat die Rechte?. Nation Europa Verlag], Coburg 2002.
Der missbrauchte Patriotismus in Deutschland und Europa. Seifert, Gunzenhausen 2004.
Die Volksverdummer. Persönliche Erfahrungen mit deutschen Medienleuten. Nation Europa Verlag, Coburg 2005.