Gérard Depardieu
| Gérard Depardieu | |
|---|---|
 | |
| Land |  Francia |
| Nascentie | 27-im de decembre 1948 |
| Ocupation | Actor |
Gérard Xavier Marcel Depardieu es un famosi actor de cinemá e television de Francia. Il nascet ye li 27-im de decembre 1948 in Châteauroux e il ganiat mult international premies por acter.
Gérard Depardieu es activ quam actor desde li annu 1967. Il ha ludet in plu quam 250 filmes. Gérard Depardieu ludet in filmes sovente historical persones. Il anc ludet in quar film-adaptiones del famosi comic-serie Asterix.
Gérard Depardieu have anc li civitá de Russia e del Unit Arabic Emiratus.
Inter 1971 e 1996 Gérard Depardieu esset maritat con li actoressa Élisabeth Depardieu. Inter 1997 e 2005 il esset in un relation con li actoressa de Francia Carole Bouquet e inter 1995 e 2023 Gérard Depardieu esset in un relation con Clémentine Igou. Gérard Depardieu have quar infantes. Su filio Guillaume Depardieu e su filia Julie Depardieu es anc activ quam actores.
In li annu 2025 Gérard Depardieu esset condamnat a un punition de 18 mensus cárcere pro sexual violentie contra du féminas, ma li punition esset suspendet e Depardieu ne devet ear al cárcere.