George C. Scott
| George C. Scott | |
|---|---|
 | |
| Land |  USA |
| Nascentie | 18-im de octobre 1927 |
| Morte | 22-im de septembre 1999 in Westlake Village, California |
| Ocupation | Actor, Film-director |
George Campbell Scott esset un actor, film-producent e film-director del Unit States de America de cinemá, de teatre e de television. Il nascet ye li 18-im de octobre 1927 in Wise (Virginia) e morit ye li 27-im de septembre 1999 in Westlake Village apu Los Angeles in California.
George C. Scott studiat al universitá de Missouri in Columbus (Missouri) in jurnalisme, ma finit li universitá con un gradu in teatre e anglesi.
George C. Scott esset activ quam actor desde 1951 til su morte in li annu 1999. Il ganiat mult film-premies, ma refusat quam unesim acceptar li Oscar-premie in li annu 1971 por acter in li film Patton. George C. Scott es anc nominat por li Oscar-premie por luder in li filmes Anatomy of a Murder (1959), The Hustler (1961) e The Hospital (1971).
George C. Scott ludet in li film Dr. Strangelove de Stanley Kubrick in li annu 1964 li rol del General Buck Turgidson. In li annu 1980 il ludet in li canadian horror-film The Changeling.
George C. Scott esset quinvez maritat e have sett infantes. Il esset duvez maritat con li actoressa Colleen Dewhurst inter 1960 e 1965 e inter 1967 e 1972. Inter 1982 til su morte in li annu 1999 George C. Scott esset maritat con li actoressa Trish Van Devere, qui anc ludet in li horror-film The Changeling in li annu 1980.