Giordano Bruno
| Giordano Bruno | |
|---|---|
 | |
| Land |  Italia
|
| Nascentie | januar 1548 in Nola |
| Morte | 17-im de februar 1600 in Roma |
| Ocupation | Filosof, Astronom, Poete |
Giordano Bruno, nascet quam Filippo Bruno, esset un filosof, astronom e poete de Italia. Il nascet in li januar 1548 in Nola apu Napoli e esset executet ye li 17-im de februar 1600 in Roma.
Giordano Bruno studiat in Napoli e devenit monaco in li órden de Dominicanes. In li annu 1572 Giordano Bruno devenit prestro. Il studiat quam monaco filosofie e teologie. Pro su opiones divergent in questiones teological Giordano Bruno devet fugir e migrat tra Europa.
In li annu 1591 Giordano Bruno retornat a Italia. Il esset arestat in li annu 1592 e condamnat al morte sur li splintiere in un processu del inquisition in Roma pro heresie. Giordano Bruno esset brulat sur li splintiere ye li 17-im de februar 1600 in Roma.
Giordano Bruno docet que li universe ne have un centre e que li stelles distant es soles e have planetes. Il credet que anc vive esset possibil sur ti planetes. Giordano Bruno refusat li tese teological del trinité e esset un adherente del teorie del panteisme.