Gottfried August Bürger
| Gottfried August Bürger | |
|---|---|
 | |
| Land |  Germania |
| Nascentie | 31-im de decembre 1747 |
| Morte | 8-im de junio 1794 in Göttingen |
| Ocupation | Autor, Poete |
Gottfried August Bürger esset un german poet e autor. Il nascet li 31-im de decembre 1747 in Molmerswende (hodie un parte del cité Mansfeld) e morit ye li 8-im de junio 1794 in Göttingen.
Personal e professional vive
[modificar | redacter fonte]Gottfried August Bürger studiat jurisprudentie in Göttingen. Inter 1772 e 1784 il laborat in li administration del cité Gelliehausen proxim de Göttingen. Pos to Gottfried August Bürger laborat quam docente e professor al universitá de Göttingen. Il ne recivet un salarie del universitá e pro to il anc laborat quam traductor.
Gottfried August Bürger esset trivez maritat e havet du filios e du filias. Inter 1774 e 1784 il esset maritat con Dorothea (Dorette) Marianne Leonart. Pos li morte de Dorothea Gottfried August Bürger maritat Augusta (Molly) Maria Wilhelmine Eva Leonart, qui esset li sestra de su unesim marita e con ella il ja havet un intim relation antey. Pos li morte de Augusta Molly in li annu 1786 il maritat in li annu 1790 li 21 annus plu yun autoressa Elise Hahn. Pro li infidelitá de Elise Hahn li matrimonie esset divorciat in li annu 1792.
Ovre
[modificar | redacter fonte]Gottfried August Bürger esset un represenante del era de ilumination e del litterari movement del Sturm und Drang. Li max famosi ovre de Bürger es li menties-racontas pri li baron Karl Friedrich Hieronymus Freiherr von Münchhausen, quel il publicat 1786 e 1789 sub li titul Feldzüge und Abenteuer des Freiherrn von Münchhausen.
Gottfried August Bürger es anc famosi pro su poemas e ballades. Su max important ovre es li ballade Leonore, quel il scrit 1773 o 1774 e quel mem inspirat Edgar Allan Poe.