Harald Vilimsky
Harald Vilimsky es un politico de Austria. Il nascet li 22-im de julio 1966 in Vienna e esset inter 2006 e 2020 general-secretario del national-liberal Partise del Libertá de Austria. Desde li annu 2014 Harald Vilimsky es membre del Europan Parlament.
Personal e professional vive
[modificar | redacter fonte]In li etá de 16 annus li matre de Harald Vilimsky morit e il nequande ha conossentat su patre. Il fat li matura in li annu 1991. Vilimsky comensat studiat economie, ma il ne finit li studies. Il laborat tande quam presse-referente por li Partise del Libertá de Austria.
Harald Vilimsky es maritat e have un filia.
Political cariera
[modificar | redacter fonte]- 2006 Harald Vilimsky devenit in li februar 2006 general-secretario del Partise del Libertá de Austria.
- 2006-2014 Membre del parlament de Austria.
- 2006-2020 General-secretario del Partise del Libertá de Austria.
- 2014 Harald Vilimsky es electet in li Europan Parlament del Partise de libertá de Austria.
- 2019 Harald Vilimsky esset li prim-candidate del Partise de libertá de Austria in li electiones del Europan Parlament.
- 2024 Harald Vilimsky es denov li prim-candidate del Partise de libertá de Austria in li electiones del Europan Parlament.