Himalaya

Li sómmites del Himalaya

Li location geografic del Himalaya in Asia

Li Himalaya es li max alt montania del munde e it es situat in Asia. It have un longore de 2400 kilometres e extende se tra li landes Pakistan, China (Tibet), Nepal e Bhutan.

Li nómine Himalaya es derivat ex lingue Sankrit. Hima significa nive e alaya significa dom, domicilie o residentie. Dunc li nómine del montania significa Dom del Nive o Hem del Nive.

Li max alt monte del Himalaya es li max alt monte del munde Mount Everest, quel es situat in Nepal, con 8848 metres. Deci del deciquar max alt montes del munden, queles es plu alt quam 8000 metres es situat in li Himalaya.

Li Himalaya esset format ante 40 e 50 milliones annus. In li religiones de hinduisme e budhisme li montania have un grand importantie e quelc montes es sant quam residentie de deos.

Li glacieros del Himalaya furni grand sistema de fluvies in Asia con aqua, dunc plu quam 1,5 milliardes de homes es dependent del aqua ex li Himalaya.