Johann Gottlieb Fabricius
| Johann Gottlieb Fabricius | |
|---|---|
 | |
| Land |  Germania |
| Nascentie | 12-im de februar 1681 |
| Morte | 30-im de decembre 1741 in Cottbus |
| Ocupation | Teologo, Fundator del bass-sorabian lingue literari |
Johann Gottlieb Fabricius (bass-sorabian: Jan Bogumił Fabricius) esset un teologo de Germania e li fundator del bass-sorabian lingue literari. Il nascet ye li 12-im de februar 1681 in Schwerin an der Warthe (hodie: Skwierzyna in Polonia) e morit ye li 30-im de decembre 1741 in Cottbus.
Personal e professional vive
[modificar | redacter fonte]Johann Gottlieb Fabricius studiat evangelic teologie in Halle (Saale) e Gießen[1]. Il esset membre del movement del pietism. Per li intermedie del baron Carl Hildebrand von Canstein e del nobilo Christian von Pannwitz Johan Gottlieb Fabricius devenit in li annu 1702 paroco de Kahren (bass-sorabian: Kórjeń). In li ann 1709 il devenit superior paroco in Peitz (bass-sorabian Picnjo). In li annu 1726 Johann Gottlieb Fabricius devenit superintendent del evangelic eclesie in Cottbus.
Ovre
[modificar | redacter fonte]Johann Gottlieb Fabricius traductet li Nov Testament del bible al bass-sorabian lingue. Li libre esset publicat in li annu 1709 in li annu 1709. Per ti ovre Fabricius creat li base del bass-sorabian lingue literari. In li annu 1706 il ja hat traductet li Litt Catechisme de Martin Luther al bass-sorabian. Johann Fabricius anc publicat du teologic livres in german.