Johannes Kepler
| Johannes Kepler | |
|---|---|
 | |
| Land |  Germania |
| Nascentie | 27-im de decembre 1571 |
| Morte | 15-im de novembre 1630 in Regensburg |
| Ocupation | astronom, matematico, filosof |
Johannnes Kepler esset un famosi astronom, matematico e filosof de Germania. Il nascet ye li 27-im de decembre 1571 in Weil der Stadt e morit ye li 15-im de novembre 1630 in Regensburg.
Johannes Kepler studiat teologie in Tübingen, ma su instructor li matematico e astonom Michael Mästlin instructet le anc li astronomie e Johannes Kepler devenit un adherente del heliocentrisme de Nicolaus Copernicus secun to li sole esset in li centre del sistema solari e del universe.
Johannes Kepler docet inter 1594 e 1600 matematica in Graz che un scola evangelic. In li annu 1597 il maritat su unesim marita Barbara Müller. Pro li contra-reformation Kepler devet forlassar Graz in li annu 1600 e eat a Praha. Ta il colaborat con li astronom Tycho Brahe, quel morit in li annu 1601. Johannes Kepler devenit su successor quam astrom e matematico al corte del german imperator in Praha.
In li annu 1612 Johannes Kepler translocat a Linz in Austria e laborat ta quam matematico til li annu 1626. Su unesim marita Barbara Müller morit in li annu 1611 e in li annu 1613 Kepler maritat Susanne Reuttinger.
Johannes Kepler descovrit li leges secun queles li planetes move se in li sistema solari. Ili es nominat secun il li Leges de Kepler. Johannes Kepler esset inter co-fundatores del modern scienties natural.
Johannes Kepler anc havet un grand importantie por li developament del matematica. Il introductet calcular in logoritmes.
Ovres
[modificar | redacter fonte]Su max important ovres es:
- 1606 Stella Nova
- 1609 Astronomia Nova (Nov astronoie)
- 1611 Dioptrice
- 1612 Stereometria
- 1619 Harmonice mundi