Saltar por contenete

John Locke

De Wikipedia
John Locke
John Locke
John Locke
Land Reyatu Unit
Nascentie 29-im de august 1632 in Wrington, Sommerset
Morte 28-im de octobre 1704 in High Laver, Essex
Ocupation Filosof, Medico

John Locke esset un important filosof del Reyatu Unit in li epoca del ilumination. Il nascet li 29-im de august 1632 in Wrington in li comtia Sommerset e morit li 28-im de octobre 1704 in High Laver in li comtia Essex.

Personal e professional vive[modificar | redacter fonte]

John Locke studiat li classic scienties in Oxford. Pos su studies il laborat al universitá de Oxford quam docente por retorica, etica e grec lingue. John Locke studiat anc medicina in Oxford e laborat quam medico.

Ovre e filosofie[modificar | redacter fonte]

John Locke es egardat quam patre del liberalisme e important filosof del tost ilumination. Il es juntmen con David Hume e Isaac Newton un important representante del empirisme. Secun ti teorie omni conossentie es basat sur experientie.

John Locke es anc un important political filosof. Il es juntmen con Jean-Jacques Rousseau e Thomas Hobbes un del max important represantantes de Teorie del Tractates. Li political filosofie de Locke influentiat li Francesi Revolution 1789 e constitution del Unit States de America in li annu 1787. Su max important political ovre es Two Treatises of Government (Du tractates del guvernament), quel il publicat anonim in li annu 1689.