Joseph Pilates
| Joseph Pilates | |
|---|---|
| Land |  Germania,  USA |
| Nascentie | 9-im de decembre 1883 |
| Morte | 9-im de octobre 1967 in New York |
| Ocupation | Inventor, Chef de exercition de sport, Autor |
Joseph Hubertus „Joe“ Pilates esset un inventor, chef exercition de sport e autor de Germania e USA. Il nascet li 9-im de decembre 1883 in Mönchengladbach (Germania) e morit ye li 9-im de octobre 1967 in New York. Joseph Pilates inventet li Pilates-metode por fisical exercitiones.
Joseph Pilates esset ja in yun etá tre activ in sport. Il fat artistic gimnastica, gimnastica, ski alpin e bodybuildung, ma anc Zen-meditation e yoga. Joseph Pilates translocat in li annu 1912 a Anglia e devenit professional boxero e laborat quam fisical chef de exercition.
Pos li Unesim Guerre Mundal Joseph Pilates retornat a Germania e laborat quam chef de fisical exercition del policie in Hamburg. Il translocat al Unit States de America in li annu 1926. Joseph Pilates maritat li infirmiera Clara Zeuner, quem il conosset durant li viage al Unit States de America.
Joseph Pilates continuat in li USA quam chef de exercition e creat li Pilates-metode por fisical exercitiones e scrit libres pri su metode. Il instructet famosi danseros quam George Balanchine e Marta Graham.