Julia Reda

De Wikipedia
Saltar a: navigation, serchar
Julia Reda

Julia Reda es un politico de Germania del Pirates Partise Germania. Ella nascet in li annu 1986 in Bonn (Germania). Julia Reda esset electet quam membre del Europan Parlament in li annu 2014 por li Pirates Partise Germania.

Ella studia political scienties e publicistica in li universitá de Mainz.

Julia Reda devenit in li etá de 16 annus un membre del Socialdemocratic Partise de Germania, ma forlassat li socialdemocrates in li annu 2009 pro que ti partise consentit a censura in li internet. Reda devenit in li sam annu un membre del Pirates Partise Germania.

Inter 2010 e 2012 ella esset li presidente del organisation Yun Pirates, quel es li yunesse-organisation del Pirates Partise Germania. Julia Reda devenit li unesim presidente del organisation Yun Pirates del Europa, quel es li yunesse-organisation del europan pirates partises.

In li annu 2012 Julia Reda fat un practica che li sved membre del Europan Parlament Amelia Andersdotter. In li annu 2014 Reda esset electet sur li position del liste del Pirates Partise Germania por li electiones del Europan Parlament. Pro li resultate de 1,5 percent de su partise Julia Reda esset electet quam unesim e sol membre del Pirates Partise Germania in li Europan Parlament.

Ligamentes[modificar | redacter fonte]

Presentation de Julia Reda sur li internet págine del Pirates Partise Germania