Kai Wegner
| Kai Wegner | |
|---|---|
 | |
| Land |  Germania
|
| Nascentie | 15-im Septembre 1972 in Berlin |
| Partise | Cristan Democratic Union de Germania |
| Oficies | |
| Presidente del Cristan Democratic Union de Germania in Berlin | |
| Quande | 18-im de may 2019 til nu |
| Antecessor | Monika Grütters |
| Borgomastro de Berlin | |
| Quande | 27-im de april 2023 til nu |
| Antecessor | Franziska Giffey |
Kai Wegner es un politico de Germania. Il nascet in li 15-im de septembre 1972 in Berlin e es desde li 19-im de may 2019 presidente del Cristan Democratic Union de Germania in Berlin. Inter 2005 e 2021 Kai Wegner esset membre del parlament de Germania. Il devenit ye li 27-im de april 2023 borgomastro de Berlin. Il es li unesim borgomastro de Berlin desde li annu 2001, qui es membre del Cristan Democratic Union de Germania.
Personal e professional vive
[modificar | redacter fonte]Kai Wegner fat un aprentisage quam comcerciante de assecuranties. Il laborat in un firma por assecuranties e in un firma de construction. Inter 2002 e 2012 Kai Wegner laborat quam índependent consiliero de firmas.
Kai Weger es divorciat e have tri infantes.
Political cariera
[modificar | redacter fonte]- 1989 Kai Wegner devenit membre in li organisation de yunesse del Cristan Democratic Union de Germania, Yun Union.
- 1995-1999 Kai Wegner esset membre del parlament del districte Berlin-Spandau.
- 1999-2005 Membre del parlament del país federal Berlin.
- 2000-2002 Vice-presidente del Cristan Democratic Union de Germania in li cité Berlin.
- 2000-2003 Presidente del Yun Union in Berlin.
- 2005-2021 Kai Wegner esset membre del parlament de Germania por li Cristan Democratic Union de Germania.
- 2011-2016 General-secretario del Cristan Democratic Union de Germania in li cité Berlin.
- 2017-2019 Kai Wegner esset denov vice-presidente del Cristan Democratic Union de Germania in li cité Berlin.
- 2019 Kai Wegner es electet li 19-im de may 2019 quam presidente Cristan Democratic Union de Germania in li cité Berlin.
- 2021 Kai Wegner es electet denov in li parlament del país federal de Berlin quam prim-candidate de su partise.
- 2022 Kai Wegner es electet ye li 27-im de april 2023 quam borgomastro de Berlin. Il guverna in un coalition inter li Cristan Democratic Union de Germania e li Socialdemocratic Partise de Germania.