Kate Chopin
| Kate Chopin | |
|---|---|
 | |
| Land |  USA |
| Nascentie | 8-im de februar 1850 |
| Morte | 22-im de august 1904 in St. Louis, Missouri |
| Ocupation | Autoressa |
Kate Chopin, nascet quam Katherina O’Flaherty, esset un autoressa de USA. Ella nascet ye li 8-im de februar 1850 in St. Louis, Missouri e morit ye li 22-im de august 1904 in St. Louis, Missouri.
Li matre de Kate Chopin esset de creol orígine.
Kate Chopin es egardat quam un del precessores del feminist autoressas del USA in li 20-im secul.
Kate Chopin maritat Oscar Chopin in li annu 1870 e li cuple havet six infantes.
Ovre
[modificar | redacter fonte]Kate Chopin scrit romanes e curt racontas por infantes e adultes. Su max famosi ovre es li roman The Awakening, quel esset publicat in li annu 1899. Li altri famosi roman de Kate Chopin es At Fault e ja esset publicat in li annu 1890.
Li curt racontas de Kate Chopin esset publicat in li colectiones Bayou Folk (1894) e A Night in Acadie (1897). Inter su curt racontas li max famosi racontas es Désirée's Baby (1893), e The Story of an Hour (1894) e The Storm (scrit in li annu 1898, ma publicat por li unesim vez in li annu 1969).