Katherina Reiche

Katherina Reiche
Katherina Reiche
Land	Germania Germania
Nascentie	16-im Julí 1973 in Luckenwalde
Partise	Cristan Democratic Union de Germania
Oficies
Ministre de economie e energie de Germania
Quande	6-im de may 2025 til nu
Antecessor	Robert Habeck

Katherina Birgitt Reiche es un féminin politico del Cristan Democratic Union de Germania in Germania. Ella nascet ye li 16-im de julí 1973 in Luckenwalde e es desde li 6-im de may 2025 ministre por economie e energie de Germania in li guvernament de Friedrich Merz.

Personal e professional vive

Katherina Reiche studiat chimie in Potsdam, Clarkston University (USA) e Turku. Pos su studies ella laborat al universitá de Potsdam. Inter 1998 e 2015 Katherina Reiche esset professional politico e laborat inter 2015 e 2025 in firmas por energie. In li annu 2019 Katherina Reiche laborat por li grand economic firma E.ON in Germania. Por ti firma ella ductet li filial firma Westenergie.

Inter 2003 e 2025 Katherina Reiche esset maritat con li german ex-politico Sven Petke. Li cuple havet tri infantes. Desde 2025 Katheria Reiche es in un personal relation con li ex-politico Karl-Theodor zu Guttenberg, qui esset ministre por defense de Germania.

Political cariera

• 1996 Katheria Reiche devenit membre del Cristan Democratic Union de Germania.
• 1998-2015 Katherina Reiche esset membre del parlament de Germania por li Cristan Democratic Union de Germania.
• 2005-2009 Vice-presidente del fraction Cristan Democratic Union de Germania in li parlament de Germania.
• 2009-2013 Katherina Reiche esset parlamentari statal secretaria del ministerie por li circumité, conservation del natura e securité del energie nucleari de Germania.
• 2013-2015 Katherina Reiche esset parlamentari statal secretaria del ministerie del transporte e digital infrastructura.
• 2025 Katherina Reiche devenit ye li 6-im de may 2025 ministre por economie e energie de Germania in li guvernament de Friedrich Merz.