Lago de Bled
Li Lago de Bled (slovenian: Blejsko jezero) es un lago in Slovenia. It es situat in li nord-west del land proxim del frontiere con Austria. It apartene al region Gorenjska. Li cité balneari Bled es situat al rive del Lago de Bled.
Li lago have un longore de 2,12 kilometres e un largore de 1,38 kilometres e un area de 1,45 quadrat-kilometres. Li maximal profundore del Lago de Bled es 30 metres. Li Lago de Bled es situat sur un altore de 475 metres super li mare.
In li Lago de Bled es situat li insulette Blejski Otok.