Leo XIV
| Leo XIV (Robert Francis Prevost) | |
|---|---|
.jpg) | |
| Land |  USA
|
| Nascentie | 14-im Septembre 1955 in Chicago |
| Partise | índependent |
| Oficies | |
| Pápa del catolic eclesie | |
| Quande | 8-im may 2025 til nu |
| Antecessor | Franciscus (Pápa) |
Leo XIV, nascet quam Robert Francis Prevost, es un clerico del Catolic Eclesie. Il nascet ye li 14-im de septembre 1955 in Chicago, Illinois e esset electat quam Pápa del Catolic Eclesie del conclave ye li 8-im de may 2025. Leo XIV es li unesim pápa del Unit States de America.
Li patre de Leo XIV, Louis Marius Prevost, es de frances e italian orígine e su matre Mildred Martinez de hispan orígine. Il have du fratres. Li futur pápa Robert Francis Prevost adultijat in Dolton (Illinois). Il studiat matematica e filosofie al Universitá de Villanova (Pensilvania), ma decidet in li annu 1978 devenir un prestro. Robert Francis Prevost studiat tande catolic teologie in Chicago e devenit un catolic prestro in li annu 1982. In li annu 1987 il fat su doctoratu in teologie in Roma (Italia).
Cariere quam clerico
[modificar | redacter fonte]
Desde li annu 1977 li futur pápa Leo XIV es membre del órden del augustinianes. Inter 1988 e 1998 Robert Francis Prevost directet li seminarie del augustianes in Trujillo (Perú)). Inter 2001 e 2013 il esset Prior General del órden del augustinianes. Inter 2014 e 2023 Robert Francis Prevost esset epíscop de Chiclayo in Perú.
Ye li 30-im de januar 2025 Pápa Franciscus fat Robert Francis Prevost al archi-epíscop e ye li 6-im de februar 2025 pápa Franciscus fat Robert Francis Prevost al cardinal-epíscop.
Li conclave electet ye li 8-im de may 2025 Pápa del Catolic Eclesie. Leo XIV parla anglesi, francesi, hispan, italian e portuges.