Lise Meitner
| Lise Meitner | |
|---|---|
.jpg) | |
| Land |  Austria,  Svedia |
| Nascentie | 17-im de novembre 1878 |
| Morte | 27-im de octobre 1868 in Cambridge, Anglia |
| Ocupation | fisico, chimico |
Lise Meitner, nascet quam Elise Meitner, esset un fisico de Austria e Svedia. Ella nascet ye li 17-im de novembre 1878 in Vienna (Austria) e morit ye li 27-im de octobre 1968 in Cambridge (Anglia). Lise Meinter descovrit juntmen con Otto Hahn in li annu 1909 li radio-activ isotopes.
Lise Meitner esset de judeic orígine. Ella studiat al filosofic facultá del universitá Vienna, ma studiat anc chimie, matematica e fisica. Lise Meitner fat su doctoratu in li annu 1906 in fisica. Ella laborat pos su studies al institute por teoretic fisica in Vienna.
In li annu 1907 Lise Meitner translocat a Berlin. Ella incontrat ta li fisico Otto Hahn e ambi collaborat in li sequent 30 annus e explorat li radio-activitá.
Desde li annu 1912 Lise Meitner laborat por li Societé del Imperator Wilhelm in Berlin. Ella fat su habitilation e devenit docente. In li annu 1926 Lise Meitner devenit professorra por nucleari fisica. In li annu 1933 ella perdit su labore per li nationalsocialist guvernament.
In li annu 1938 Lise Meitner fugit de Germania a Nederland e via Dania a Svedia. Ella continuat su scientic labore in Stockholm e devenit in li annu 1949 cive de Svedia. In li annu 1960 ella translocat a Cambridge. Lise Meitner esset solmen por li pacific usage del nucleari tecnologie.